Kabanata 4

Kasalukuyang nagbabasa ng libro si Cyan nang makatanggap siya ng tawag mula sa academy ni Zendaya at sinabing napaaway ito kaya naman agad-agad siyang nagtungo sa paaralan ng bata.

Pagdating niya doon ay nakita niya si Zendaya na nakaupo sa isa sa mga silya ng guidance counselor. Sa katapat na upuan naman ay isang batang babae na umiiyak at bahagya pang magulo ang buhok.

"Ano pong nangyari, Ma'am Letty?" Tanong niya sa school teacher.

"Mrs.Samaniego, napaaway po si Zendaya sa isa sa mga kaklase niya dahil pinagbibintangan niya na ito ang kumuha ng chocolate na regalo ng ninang niya," paliwanag ng guro.

Napasulyap siya sa kanyang pamangkin. Mataray itong nakaupo at humalukipkip pa. Ibinaling niya ang atensyon sa batang babae na nakaaway ng anak ni Zach.

"Totoo ba na kinuha mo ang chocolates ni Zendaya?" Tanong niya sa malumanay na tono.

Dahan-dahan itong nag-angat ng tingin sa kanya. Saka lang niya napansin na may maliit itong kalmot sa pisngi. Marahan na umiling ang batang babae bago nagsalita.

"Hindi po. Hindi po ako ang nagnakaw. Promise to God wala po akong kasalanan—"

"Ikaw ang naabutan kong nakatingin sa paperbag ko and I'm really sure na ikaw talaga ang nagnakaw. You're poor kasi! Palibhasa wala kayong pera para pambili! Kung hindi dahil sa scholarship mo, you won't be even here! At kapag hindi ka pa umamin sa kasalanan mo, I will call my Daddy so you will be kicked out in this academy!"

Marahas siyang napalingon kay Zendaya. She knew how spoiled she is pero hindi niya aakalaing ganito pala kalala ang ugali ng anak ni Zach.

"Enough Zendaya," may diin niyang bigkas.

"But it's true! She's poor kaya siya nagnakaw! Bakit siya ang kakampihan mo?! You should be on my side kaya ka nandito diba?! That girl should be kick out of this school! Hindi nababagay ang mga poor dito!"

"Zendaya!" Muli niyang saway sa bata.

Agad na namuo ang mga luha sa mga mata ni Zendaya at padabog na umalis ng guidance office. Nahihiya naman siyang tumingin sa dalawang guro na naroon.

"Pasensya na po kayo sa inaasta ni Zendaya. Pagsasabihan ko po siya na iiwasan na ang pakikipag-away. I will also settle with the parents about what my daughter did to her classmate," tukoy niya sa sugat nito sa pisngi.

Agad namang umiling si Ma'am Letty. "Wag niyo na pong alalahanin ang tungkol diyan, Mrs.Samaniego. Tinawagan ko lang po talaga kayo para ipaalam na napaaway ang anak ninyo. But we're already planning to settle everything. We will make this student apologize towards Zendaya. Kung nais po ng asawa ninyo na irevoke ang scholarship ng estudyante ay wala pong magiging problema."

Nanlaki ang kanyang mga mata at mabilis na umiling. "Hindi na po. Pinaghirapan po nila ang scholarship na meron sila kaya nakapasok sila dito sa academy," mariin niyang tanggi.

Isa ang pamilyang Samaniego sa may malaking kontribusyon sa academy kaya ganun nalang kung itrato ng mga guro ang pamangkin niya. Idagdag mo pa ang pagkunsinti nina Laureen at Zach sa bata kaya mas naging matigas pa ang ulo nito.

Matapos makausap ang guro at estudyanteng inaway ni Zendaya, lumabas na siya ng guidance office at hinanap ang bata. Makalipas ang ilang minuto, natagpuan niya ito sa isa sa mga benches pero ang ikinagulat niya, naroon na si Laureen kasama nito.

Nang makita siya ng babae ay agad itong tumayo at sinalubong siya ng sampal at dahil nagulat siya, hindi siya nakaiwas sa ginawa ng babae. Sapo niya ang nasaktan niyang pisngi nang lingunin niya ito.

"How dare you make Zendaya cry?! Pinahiya mo pa talaga siya sa harapan ng kaklase at teacher niya! Are you really that stupid, Cyan? Hindi ka ba talaga marunong mag-alaga ng bata? Kung ganyan naman pala, why don't you quit being Zach's wife and leave the two of them alone!" Singhal nito sa kanya.

Sarkastiko naman siyang natawa. "And then what? Para ikaw na ang papalit sa pwesto ko? Yun naman ang gusto mo hindi ba? Well, I'm sorry Laureen, but I'm planning to make you a mistress for the rest of your life!"

Dahil may kalakasan ang boses niya, napalingon na ang ilan sa kanila. Nanlaki naman ang mga mata ni Laureen dahil sa pagkapahiya, gayunpaman, pinanatili niya ang taray ng kanyang mukha.

"Hindi yan ang issue dito, Cyan. Ang pinag-uusapan natin ay ang tungkol kay Zendaya!"

Napasulyap siya kay Zendaya bago itinuon ang atensyon kay Laureen. "I am just being rational, Laureen. Hiningi ko ang CCTV footage ng classroom and that child didn't do anything wrong. Si Zendaya ang naunang mang-away kahit na hindi naman nagnakaw ang batang yun sa tsokolate niya."

Kita niya ang pamumutla ng mukha ni Zendaya. Agad itong lumapit kay Laureen at nagtago sa likuran ng babae.

Huminga siya ng malalim para pakalmahin ang sarili niya. "Let's go back to the guidance office, Zendaya. You have to apologize to the kid whom you messed with."

"Are you insane?!" Hindi makapaniwalang sambit ni Laureen.

"What's insane about it? Tinuturuan ko lang ang anak ng kapatid ko. Taliwas sa ginagawa mo na nilalason ang utak niya!" May diin niyang bigkas.

Agad na umusbong ang galit sa mga mata ni Laureen at balak na naman siyang sampalin sa pangalawang beses pero sa pagkakataong iyon, nasalo niya ang kamay nito at ito naman ang sinampal niya bilang ganti.

Noon ay wala siyang hinayaang kahit na sinong tumapak sa pagkatao niya. She had enough of Laureen. Dalawang taon niya itong tiniis dahil lang sa gustong-gusto ito ng anak ni Zach at wala siyang magawa para paalisin ito sa buhay ng mag-ama.

"You slapped me?" Hindi makapaniwala nitong tanong.

"Obvious ba? Sa oras na sinaktan mo pa ako ulit, ibibigay ko na talaga sayo ang hinahanap mo!" Galit niyang asik.

Subalit ang hindi niya inaasahan ay bigla nalang siyang itinulak ni Zendaya palayo. "Bad ka! You hurt Tita Laureen! Isusumbong kita kay Daddy!" Galit na galit nitong asik habang hilam sa luha ang mga mata.

Isang nakamamatay na tingin ang ipinukol ni Laureen kay Cyan. "Nakita mo na ang ginawa mo? No wonder kung bakit hanggang ngayon, hindi mo parin nakukuha ang loob niya. Wala ka namang alam sa lahat. Why don't you just do what you did ten years ago? Runaway, Cyan. Kung noon kay Chloe mo iniwan ang resposibilidad mo, this time, leave it to me dahil mas kaya kong maging ina at asawa kay Zach kaysa sayo!”