Halos dalawang oras na hindi lumabas ng kwarto si Adira at sa paglabas niya ay nakabihis na siya at papunta na ng opisina ng hari para kuhanin ang passport niya.
Pagbukas niya pa lang ng pinto ay nakakunot na ang noo ni Dylan. "Wala ka sa bansa mo, bakit bigla ka na lang pumasok rito ng walang pahintulot?"
"Pasensya na mahal na prinsipe maiiwan na ako ng eroplano pag ginawa ko pa 'yon." Sabay ngisi niya, pero nagsalita na naman ito.
"Basa pa ang buhok mo. Bakit naka ayos at tali na 'yan?"
Tumingin naman siya kay King Stephen na nagtataka rin sa anak nito. "Ang dami mong nakikita prinsipe, pero ang sagot ko ay hindi ako naglulugay ng buhok kahit pa basa pa ay tinatali ko na. Nasagot ko na po ba ng maayos ang tanong mo?"
Masama ang loob nitong tumingin na lang sa ibang direksyon. "Puwede ko na bang makuha ang passport ko malapit na ang flight ko, kailangan naroon na ako bago pa mag-alas dose ng tanghali at mayroon na lang akong 1 hour at 30 minutes."
"Ito na ang passport mo mag-ingat ka sa iyong paglalakbay. Paglabas mo ng palasyo ay may naka-abang ng sasakyan para ihatid ka sa airport. Huwag kang mag-alala halos isang oras lang ang biyahe papunta doon."
Kinuha niya ang passport sa ibabaw ng lamesa. "At bago ka umalis, kailan ang balik mo rito?" tanong ni King Stephen.
"Hindi ko sigurado, pero madali naman mag-book ng flight papunta dito kaya hindi na ako mahihirapan."
"Kung ganon ay maaari ka ng umalis."
Lalakad na sana siya ng mapatingin siya sa prinsipe habang hindi pa rin nawawala ang pagkainis nito sa kanya. "Mahal na prinsipe." Lumingon ito at tumingin sa mata niya. "Sa oras na bumalik ako ay dapat handa ka na dahil kung ano ang nakita mong ugali ko ngayon ay iba sa ipapakita ko pag bumalik na ako rito, kaya suwerte ka at nakita mo ang side kong 'to at kung lalabas man ay hindi na madalas." Ngumiti siya ng malaki bago umalis sa kwarto na 'yon at nang makita niya na ang sasakyan ay sumakay kaagad siya.
Samantala si Prince Dylan ay nakatulala pa rin sa puwesto kung saan nakatayo si Adira kanina.
"Dylan, okay ka lang ba?" tanong ni King Stephen.
Bumalik naman ito sa kasalukuyan. "Okay lang ako ama," mahina nitong sagot.
"Hindi ko akalain na isang magandang binibini pala ang kinuha ko. Ang ganda ng ngiti niya 'di ba? Ngayon ko lang rin nakitang ngumiti si Adira, sa ilang araw niyang narito."
Bumalik muli ang pagkakunot ng noo ni Prince Dylan. "Hindi totoo 'yon ama, peke lang ang ngiti niya kanina."
Tumawa naman ang kanyang ama ng may kalakasan. "Mahirap ngumiti ng peke aking anak, mas makikita mong maigi kung peke ang isang ngiti dahil mahirap, pilit at may lungkot sa likod ng pagngiti nito, kaya sa tingin ko ay taos-puso naman ang pinakita niya."
Tumango naman siya. "Siya nga pala ama, kailangan ko ng maluluwag na damit para sa pagsasanay."
Napakunot ang noo ni King Stephen. "Bakit?"
"Ang sabi kasi ng binibini na 'yon na kailangan kong magsuot ng maluluwag para makagalaw ako ng magaan."
Napatango naman ang hari. "Kung ganon ay mag-uutos na lang ako para bumili ng mga ordinaryong damit pati na rin ang pantalon mo."
Tumango siya at tumayo na. "May sasabihin ka pa ba ama?"
"Wala na, puwede ka ng bumalik sa silid mo."
"Kung ganon ay maiwan na kita. " Lumakad na siya paalis ng kwarto at nagpatuloy papunta sa silid niya.
Samantala si Adira ay mabilis lang nakasakay ng eroplano at talagang ang passport na pinagawa ng hari ay valid, dahil wala siyang naging problema o hinarang siya ng mga tauhan sa loob ng airport. Limang oras ang hihintayin niya bago siya lumapag sa kanyang bansa.
Pagkalipas ng limang oras ay ligtas na nakababa ang eroplanong sinasakyan niya, kaya naman agad siyang naghanap ng masasakyan pauwi. Dalawang oras ang nilakbay niya ulit bago tumapat ang taxi sa mismong bahay ni Simon, at dahil wala siyang dalang pera pambayad sa taxi driver.
Bumaba siya at sinabihan ang driver na maghintay sandali. Kumatok siya ng ilang beses sa pintuan ni Simon bago nito binuksan. "Bayaran mo muna ang taxi driver wala akong pera kaya ikaw muna," saad niya kaagad.
Natigilan lang ito sandali at lumabas na rin ng bahay at binayaran ang taxi driver. Nang bumalik ito ay tiningnan siya nito mula ulo hanggang paa. "Hindi ko alam na nagsusuot ka pala ng ganyan, Adira?"
Napabuntong-hininga na lang siya. "Wala na akong pagpipilian kailangan kong magpalit ng damit at maligo. Ito lang ang simple na damit na nandoon."
Ngumiti ito. "Kahit simple lang parang ang mahal."
"Mahal talaga dahil reyna ang may-ari nito, pero maiba tayo kailan ang misyon ko sa asawa ni Mrs. Torres?"
Napakamot ito sa ulo. "Mamaya ng alas-otso, sa isang bar kung saan laging naroon si Mr. Torres."
"Wala na pala akong magiging pahinga, pero sige pupunta ako. May silbi rin pala 'tong napili kong damit para makapasok doon."
Umupo si Simon sa isang upuan sa harap ng bahay nito. "Kumusta nga pala ang pag-uusap niyo ng hari, pumayag ka ba sa gusto niya?"
Tumingin siya sa kalangitan. "Oo."
"Nag-iba na ata ang ihip ng hangin, tinanggap muna ang ganong klaseng misyon."
"May dahilan ako, para sa hari ay tinanggap ko kahit hindi masunod ang mga rules ko sa mga misyon na tinatanggap ko."
Tumango-tango naman si Simon. "Sigurado akong mabuti naman 'yan dahil tinanggap mo. Kumain ka na ba? Meron akong niluto kumain ka muna. " Tumayo na si Simon at pumasok sa loob ng bahay nito. Natulala siya saglit bago sumunod kay Simon sa loob.
Sumapit ang takdang oras ng misyon ni Adira at handa na siyang tapusin ito kaagad dahil babalik na siya sa Stalwart Castle pagkatapos ng misyon niya. Ang motorbike niya ang dala niya papunta sa bar na sinulat ni Mrs. Torres sa impormasyon. Alam niyang hindi bagay sa suot niya ang pagsakay sa kanyang motorbike, pero wala na siyang pakialam doon. Ilang sandali pa ay na sa bakuran na siya ng bar. Hininto niya ang kanyang sasakyan sa isang parking lot at inayos ang suot niyang mask na natatakpan ang kalahating mukha niya mula ilong hanggang bibig. Hindi niya na rin dinala ang dalawang wooden stick niya dahil kung lumaban man si Mr. Torres ay kamao ang gagamitin niya.
"Huling araw na ng pagtataksil mo ngayon Mr. Torres dahil oras na pumasok ako sa loob ay hindi ka na muling makakapasok pa o makikipagkita sa babae mong laging dinadala sa loob. " Napangisi siya sa likod ng kanyang mask at nag-umpisa nang lumakad papasok ng bar.
Nang nakapasok na siya sa loob ng bar ay sobrang ingay, mausok, amoy alak at maraming naglalandian sa mga gilid na hindi masyadong natatamaan ng liwanag ng ilaw. Sinubukan niyang makalagpas sa mga taong nagsasayaw sa gitna hanggang sa makarating siya sa isang madilim na puwesto na malaya siyang makikita ang mga tao. Pasimple niyang nilibot ang mga mata niya sa paligid dahil may mga nagkalat na bouncer malapit sa kanya na mukhang nagmamasid rin sa paligid. "High class nga ang bar na 'to masyadong mahigpit. Paano ako makakapunta sa kwarto kung nasaan si Mr. Torres?" Nakita niya ang isang pasilyo na may kadiliman dahil sa sobrang hina ng mga ilaw na nakakabit sa ibaba na nakadikit sa pader malapit sa sahig. Ang naka-braid niyang buhok ay inilagay niya sa kaliwa niyang balikat para may dahilan siyang tumingin sa pasilyo na 'yon, pero napansin niya na may CCTV sa itaas. "Mukhang may kailangan akong lusutan o linlangin bago ako makapunta sa kwarto." Mabuti na lang walang nagtangka na lumap
"Pasensya na, may kailangan pa kasi akong gawin at hindi na puwedeng ipagpabukas." Tumingin siya kay Mr. Torres na ang pangalan ay Sebastian base sa narinig niya sa babae na ang pangalan ay Diane. "Sa pagkaka-alam ko mayroon ka ng asawa, pero bakit kasama mo itong babae na 'to?" Sabay turo niya kay Diane. Napalunok si Sebastian. "P-paano mo nalaman na may asawa ako?" "At anak," biglang saad niya na nagpatigil kay Sebastian. "May anak ka na at asawa, pero bakit narito ka sa lugar na 'to at nagtataksil sa asawa mo para lang sa babae na 'to?" Tinaasan niya pa ng kilay si Diane. "Mukhang nakalimutan mo ng may anak at asawa ka? Unfair naman kung ikaw lang ang masaya." Tumayo siya at pumunta sa likod ni Sebastian. "Wala ka bang konsensya?" Padaskol na humarap ito sa kanya. "Ang babaeng ito ang mahal ko at hindi ang asawa ko ngayon. Isa siyang sinungaling at kinuha ang loob ng mama ko para maikasal lang kami!" "Talaga? Ang alam ko ikaw ang kusang humanap sa kanila at sinubukang kuhanin
Malapit na siya sa warehouse na tinutuluyan niya ng may naaninag siyang isang bulto ng tao sa malaking pintuan ng warehouse at sa paglapit niya pa rito ay si Simon pala 'yon at mukhang hinihintay siya. Huminto siya sa tapat ni Simon at hindi muna siya umalis sa pagkaka-upo sa motor. "Madaling araw na bakit nandiyan ka pa?" tanong niya. Lumapit ito sa kanya at tanging liwanag lang ng buwan ang ilaw nilang dalawa. "May gustong maka-usap ka," saad ni Simon. Napakunot naman ang noo niya. "Sino?" "Si Mrs. Torres." "Bakit daw?" Nagkibit-balikat lang ito. "Ewan ko kung bakit, pero tumawag siya kanina habang ginagawa mo ang mission mo." Kinuha nito ang isang maliit na papel sa bulsa ng pantalon nito at binigay sa kanya. "Diyan kayo magtatagpo, wala naman siyang nabanggit kung para saan. Ang sabi lang ay gusto ka lang niyang makita." Itinupi niya ang papel at hinawakan muli ang manibela ng motor niya at pina-andar. "Sige pupunta ako." At tuluyan ng umalis sa harap ni Simon para iparada
Napangiti siya sa tapang nito para sa kanyang anak. "Kung ganon good luck sa inyong dalawa ng anak mo, pero sana sa pagkikita nating muli ay buo na kayong pamilya." Napansin niya na may kinuha si Carina sa bag nito na isang bank check at inilagay sa ibabaw ng mesa malapit sa kanya. "Ito ang payment ko sa ginawa mo, hindi ko ito binigay sa kausap kong lalaki na kasama mo dahil gusto rin kitang makita." Kinuha niya ang bank check at tiningnan ang nakasulat na halaga, pero napakunot ang noo niya sa halagang nakasulat. "Nagkamali ka ata ng inilagay na halaga rito. Hindi ganitong halaga ang bayad sa mga mission ko lalo pa't mas madali ang ginawa ko para sayo?" "Huwag kang mag-alala tama ang amount na nakasulat diyan. May nangyari naman dahil umuwi siya sa bahay na hindi naman niya ginagawa simula ng ikinasal kami. " Nagkibit-balikat na lang siya. "Kung ganun, maraming salamat dito. " Inilagay niya na ang bank check sa bulsa ng jacket niya. Biglang may kumatok sa transparent na pader ku
Sa sandali na nakauwi na si Adira sa kanyang bahay ay nag-empake na rin siya agad ng mga damit at mga ilang gamit katulad ng panloob na kasuotan at dalawang gloves, lagi rin siyang may suot na itim na gloves sa tuwing may misyon siya, hindi niya lang naisuot sa misyon kay Mr. Torres dahil hindi bagay sa suot niya at ang pinaka-mahalaga sa lahat ang dalawang wooden stick niya, kaya maging ito ay nakalagay sa loob ng malaking bag. Tiningnan niya ulit kung may kulang at ng okay naman na ay lumabas ulit siya ng kwarto para kumain.Sumapit ang gabi ay maaga rin natulog si Adira at halos ilang oras lang din ang magiging tulog niya dahil madaling araw ang flight niya na kailangan pang sumakay ng taxi bago makapunta sa airport.Kinabukasan ang mag-ama na si King Stephen at Prince Dylan ay kumakain na ng kanilang almusal, ngunit si Adira ay wala pa dahil limang oras ang kailangan hintayin bago lumapag ang eroplano sa bansa nila Dylan, 4 am na rin naka-alis ang eroplano sakay si Adira.Habang ku
Lumapit siya at tumigil sa tabi ng sofa kung saan nakahiga si Dylan habang pinagmamasdan niya itong matulog ay napakunot ang noo niya. "Ganito ba talaga ang mga maharlika, wala man lang kahit anong pores kahit ang mga labi ay mapupula?" Habang nakatitig sa mukha ng prinsipe ay napansin niyang gumalaw na ang talukap ng mata nito habang nakapikit hudyat na gising na ito. Unti-unting minulat ni Prince Dylan ang mata at saktong si Adira ang nakita niya, kaya ngayon ay walang umiwas o kumurap sa kanilang dalawa. Sa isip ni Prince Dylan, "Hanggang sa panaginip nandito pa rin itong babae na 'to?" Tumaas ang kilay ni Adira habang nakatitig ito kay Prince Dylan, pero unti-unting namumulat ng malaki ang mata ng prinsipe ng lumapit na si Adira habang nakahiga siya. Ngayon ay isang dangkal na lang ang layo ng kanilang mga mukha. Napalunok ang prinsipe sa hindi malamang dahilan, pero biglang sumakit ang noo nito dahil pinitik pala ni Adira, at sa sobrang kaba ay hindi na napansin iyon ng prinsi
Si Adira ay naglalakad na sa pasilyo nang nakita niya si Heneral Agustin. Nilapitan siya agad nito. "Sumama ka muna sa akin may ipapakita sayo ang hari." Naglakad ito muli habang nagtataka siyang sumunod dito. Nang oras na nakapasok na siya sa opisina ng hari ay umupo kaagad siya kaharap nito. Napansin niya rin na may hawak itong papel at nakatitig rito. Bumuntong-hininga ito at tumingin sa kanya sa pagod na mga mata. "Basahin mo." Inabot niya ang papel at binasa gamit ang mga mata . "Tumatakbo ang oras at napapalitan ng araw ang buwan. Ang buhay ng isang maharlika ay nalalapit na ang katapusan, kaya hangga't hindi ito nangyayari ay sumunod ka sa isang kahilingan." Napakunot ang noo niya sa paraan ng sulat na may tinatago pang ibang kahulugan. Habang hawak niya ang sulat ay nagsalita si King Stephen. "Isa lang 'yan sa dami ng naipadala sa aking sulat ng hindi pa kilalang tao. May konting kaba na sa aking dibdib dahil mas lalong lumalalim ang mga ibig iparating ng mga sulat." "Pa
Paglabas niya ng palasyo ay hihintayin na lang niya ang prinsipe sa bandang likuran dahil naroon ang lugar kung saan puwedeng magsanay at may mga iba't-ibang armas na ginagamit sa pakikipaglaban at habang hinihintay niya ito ay lumapit siya sa mga armas na naroon. Nakita niya ang isang espada at magaan niyang pinadaan ang kamay niya sa hawakan nito. "Hindi pa ako nakakahawak ng espada, pero gagamitin ko ito kung paano ko gamitin ang dalawang kahoy ko. Magka-iba ang anyo, pero na sa aking kamay ang lahat ng puwede nitong magawa kahit first time ko lang itong gagamitin." Kinuha niya ito at inalis sa cover nito na isang manipis na stainless. Kuminang pa ito ng tumama ang sinag ng araw sa mismong talim ng espada. "Isang maling paggamit nito tiyak na kawawa ang kaharap ko lalo na yung parating. " Lumipat ang tingin niya sa prinsipe na masama pa rin ang itsura ng mukha. Huminto ito sa harap niya, pero sa ibang direksyon nakatingin. Ngumisi siya. "Masama pa rin ang loob mo, buhay ka pa nama