Bagong Kakilala

Gilda Point of View

          Kinuha ko ang panghilod sa may sabunan ng banyo. Hindi sa banyo ng may bath tub ng dugo na napupuno ng uod kundi dito sa palikuran na may shower at totoong tubig.

          Gusto kong maiyak kanina sa ginawa ni Maria. Muntik ko na syang mamura at masabunutan dahil sa ginawa niyang pang lublob sa akin. Mabuti na lamang at napigilan ko ang sarili ko dahil mas matanda pa rin siya sa akin kahit papaano.

          Napasuka pa ako ng marami dahil sa lansa at sa tuwing naiisip ko iyong ginawa niya ay nais kong maiyak.

          Kinuskos ko ng mabuti ang aking balat. Feeling ko maninikit ang mabahong amoy sa akin. Bwiset kasi! Sinabi ko na sa kanya na ayaw ko tapos nilublob pa ako. Sino naman ang matutuwa sa ganoon diba?

          Para siyang bida bidang kaklase ko. Although nag sorry naman na siya sa akin. Sinabi ko sa kanya na huwag na niya akong pilitin dahil ayoko talaga. Kahit hindi na gumanda ang kutis ko ay ayos lamang.

          Pinuno ko na nga ng shampoo ang aking buhok. Halos maubos ko na yung shampoo masigurado lang na mababanlawan ng mabuti yung buhok. Naiisip ko baka mamaya ay may uod na  gumagapang sa anit ko. Shemay nakakasuka ata nakakadiri.

          Binuksan ko ang shower at tinanggal ang sabon sa aking katawan at matapos ay inamoy kong muli ang aking balat.

          Napatakbo ako sa bowl at napasuka.

          Tumulo na ang luha ko. Napakabaho pa rin! Kahit anong kuskos ko ay ayaw maalis ng lansa.

          Paano na ngayon iyan? Panigurado pati buhok ko napakabaho na!

          Tapos napasukan pa yung tainga ko ng dugo kanina pati na ilong. Naaalala ko pa lang ang mga nangyari kanina ay gusto ko ng maghurimentado. Tila masisiraan ako ng bait.

          Nilagya ko ng maraming sabon ang pang – hilod saka muling kinuskos ag aking katawan.

          Please, please! Mawala ka na. Bumango ka na please! Hindi ako mapapakali habang amoy malansa ang buong katawan ko.

          Nakaramdam ako ng gumagapang sa aking hita. Napatingin ako roon at nakita ko ang isang malusog na uod na gumagapang paitaas.

          Agad kong hinampas ito paalis at nagtatalon.

          Napisak pa ang uod sa balat ko. My god!!! Agad kong sinabuyan iyon ng tubig saka sinabon at madiin na inis - is.

          Napatingin ako sa may pintuan ng banyo noong may kumatok dito.       

          “Gilda ayos ka na ba?” tanong sa akin ni Maria.

          Ayos? Mukha ba akong ayos matapos ng ginawa niya sa akin? Nakaka trauma!

          Sobrang nainis talaga ako sa kanya dahil sa ginawa niya sa akin kanina. Sa sobrang inis ko ay hindi ko siya sinagot.

          Dahil dakilang makulit siya ay kumatok muli at tinawag ang aking pangalan.

          “Gilda? Ayos ka lang ba?!” ani niya sa boses na naghehesterikal.       

          “Please leave me alone!” madiin kong sabi. “Please!”

          “Sige, hahantayin na lang kita dito sa labas,”ani ni Maria at matapos noon ay wala ng kumatok.

          Crazy woman! Wala siyang isip! Batsta naiinis ako!

***

          Napadilat ako ng aking mga mata dahil sa mga katok na narinig ko sa pinto ng aking silid.

          Umaga na agad? Napaamoy ako sa aking balat. Wala na itong amoy di tulad kahapon na nanununtok sa lansa.

          “Gilda, gumising ka na,” tawag sa akin ni Maria sa kabilang panig ng pinto. “Samahan mo ako sa pamamalengke.”

          Talagang malakas ang loob niyang ayain pa ako. Hindi ba siya nahiya man lang sa ginawa niya?

          Nag inat inat ako.

          “Susunod na lang po ako sa baba,” sagot ko dahil paniguradong kakatok nanaman siya pag hindi ako sumagot.

          Para siyang obsessed kung makapag alala siya sa akin. Panget talaga kapag sobra. Parang ang OA na.

          Napapikit ako. Kung ano ano na ang nasasabi ko dahil sa inis ko. Hindi ko naman kasi makalimutan talaga ang ginawa niya. Sa tuwing naaalala ko ay naiinis pa rin ako.

          Tumayo ako ng higaan at napagawi ang tingin ko sa salamin. Wala nanaman ang saklob nito. Tila nasanay na ako na laging natatanggalan ng taklob ang salamin sa tuwing magigising ako.

          Pinulot ko ang tela sa sahig upang takluban ang malaking salamin ngunit pagtayo ko ay napatigil ako habang nakatitig sa sarili kong repleksyon sa salamin.

          Nabitawan ko ang tela at napahawak sa aking mukha.

          Anong mahika ito? Napakinis ng aking balat at napakaganda. Mukhang sariwang sariwa.

          Tinignan ko ang aking mga balat. Hindi ko agad napansin kanina.

          Napakagat ako ng aking labi at sinipat ang mukha ko. Marahan kong sinampal ang aking sarili. Hindi ako nanaginip! Kutis ko nga ito! Napakaganda! Napakaganda mo ngayon Gilda!

          Tila nawala ang lahat ng inis ko kay Maria noong makita ko ang aking itsura.

          Parang gusto ko na agad magpasalamat sa kanya sa ginawa niyang panglulublob sa akin.

          Teka paano ito? Talaga bang ganoon kabisa ang dugo? Wala na akong makitang flaws sa balat ko.

          Papasa na akong artista nito.

          Napahawak ako sa aking buhok. Hinimas himas ko ito.

          Bakit ganoon? Kay lambot? Lumambot bigla ang aking buhok. Tinignan ko ito mabuti sa may salamin.

          Napatakip ako ng aking bibig. Ang shiny niya mga teh!

          Pagkabihis na pagkabihis ko ay agad akong bumaba at pumunta kay Maria.

          “Ang ganda na ng kutis ko!” ani ko kay Maria habang nakangiti.

          “Hindi ba at sabi ko naman sa iyo. Sulit na sulit,” aniya sa akin at hinawakan ang aking buhok.

          “Hindi na ba ito mawawala?” tanong ko sa kanya habang hinihimas ang balat ko. “Permanente na ba ito?”

          “Hindi, anak,” ani ni Maria sa akin. “Ano pa nga at muling tatanda ang iyong kutis sa paglipas ng araw ngunit mapapanatili mo ang gandang kutis na iyan kung maliligo ka sa dugo isang araw sa loob ng isang linggo.”

          Isang araw sa loob ng isang linggo? Parang di ko pa rin keri. Pwede kayang wisik wisik lang.

          Hindi na bale. Ang mahalaga ngayon ay nagdulot ang pagbabad sa akin ni Maria sa kasuka sukang dugong tub na iyon!

Ang ganda ganda na ng kutis ko parang di ko pa ata kayang gawin p arin ang mga ginagawa ni Maria. Wala na kaya siyang maituturong ibang paraan?