CHAPTER FIFTY FIVE

NAABUTAN naman ni Mavy na nagkakaingayan at nagkakatuwaan sina Kendra at ang dalawa nilang anak na sina Aziel at Klent.

"Ano bang pinagkakaguluhan niyo diyan?" tanong niya matapos na makalapit. Inakbayan niya ang babae na halatang nagulat sa aksyon niya. Magkagayunman ay hindi naman ito pumalag.

"Heto hinihintay na namin matapos sa pagtitimpla ng pan cake si Mama!" excited na sabi ni Aziel.

"Oo nga, matagal-tagal na rin ng huli tayong makatikim ng matinong pagkain. Puro kasi palpak kay Tita Vivian," sabad naman ni Klent.

"Hay naku! huwag niyo na ngang ginaganyan si Selena. Saka huwag niyo na siyang tatawagin Tita Vivian, Selena na lang o kaya Hailey o Yalena. Magmula sa araw na tayo ang dati na rin natin mga pangalan ang itatawag natin sa bawat isa. Wala ng pagtatago ay magpakatotoo na lang lahat, maliwanag ba?" wika naman ni Timothy.

Tumango naman ang mga ito.

Makalipas naman ang kinse minutos ay natapos na sa pagluluto si Kendra. Si Aziel ang nanguha na ng mga plato at kubyertos sa