Concerns

HAILEY CARLOS POINT OF VIEW

Pagkagising na pagkagising ko pa lang ay alam ko nang hindi ako makakapasok. Sobrang bigat ng katawan ko at para akong inaapoy sa lagnat. Hindi naman qko napagod sa trabaho ko kahapon pero parang pagod na pagod ang katawan ko. Para bang sa sobrang dami ng nangyayari sa akin ngayon ay gusto ko na lang matulog nang wala ng gisingan.

Ang hirap kasi ng sitwasyon ko, ulila na akong Lubos at wala man lang nag-aalaga sa akin ngayong may sakit ako. Dumagdag pa yung mga taong nakakasama sa loob ko. Sa edad kong ito, para bang maaga akong susuko.

Kanina pa kumakalam ang sikmura ko pero wala naman akong lakas para tumayo. Latang lata ako at kahit tumayo para bumili sa tindahan ng gamot ay hindi ko kaya. Ang disney Princess nyo umiiyak na naman mag-isa. Na-mimiss ko ang inay ko sa ganitong klase ng pagkakataon. "Inay, magpadala ka naman ng anghel dito. Kailangan kong kumain at uminom ng gamot. Kung walang darating, kunin mo na lang ako." Dasal ko habang nagdedeliryo.