Chapter 14

14.

Nagising ako na sobrang sakit ang ulo ko. Bakit ba kasi ako uminom ng ganoon karami kagabi? Napahawak ako sa ulo ko ng kumirot na naman ito. Ugh! 

Akmang tatayo na ako pero naramdaman ko ang mabigat na bagay sa may bandang tiyan ko at ang mainit na hininga sa gilid ng tainga ko. Agad akong kinabahan. Shit, what if sumama ako kung kani-kanino? Wala pa naman akong matandaan kagabi! Pero ang weird ng panaginip ko. Girlfriend na raw ako ni Raze! 

Dahan-dahan kong iniangat ang kamay na iyon sa tiyan ko at ingat na ingat na umupo sa kama pero bago pa 'man ako maka-ayos ng upo, may isang malakas na kamay ang humila sa akin pabalik sa pagkakahiga. Sisigaw na sana ako ng magsalita ang katabi ko.