Chapter 3

Matapos ang trabaho sa coffee shop ay naghanda na pauwi si Janna. Sa isang di kalayuang hotel naman ay parehas na walang kahit anong damit ngayong suot ang dalawa habang nakahiga sa isang malaking kama.

"Hindi ka ba hahanapin ng asawa mo?" Carrie asked him.

"I told her, I'll be coming home late kaya sigurado akong mamaya tulog na 'yon pag-uwi." 

Ngumiti si Carrie mula roon at bahagyang umangat para tingnan ang mukha ng lalaki. "I can't wait for you to get your inheritance and annul that woman," dagdag niya.

Francis just smirked at her and kissed her lips while smiling.

"Just be patient, babe. Once na makuha ko ang mana ko. I will discard that woman from our lives." sagot nito.

Nakauwi si Janna sa mansion ng mga De Villa at sinalubong ng mga kasambahay roon. 

"Kakain na po ba kayo, ma'am?" tanong ng kasambahay at tumango si Janna roon.

Saglit na naligo at nagbihis si Janna para sa hapunan at pagkababa ay naroon na ang kaniyang biyenan na kumakain sa lamesa.

"Good evening po, Papa..." bati nito at tumango ang matanda rito.

"Sit down, hija. Nasaan si Francis? Hindi ba siya sasabay sa atin?" tanong nito matapos makaupo ni Janna roon.

Umiling si Janna rito bago sinabi ang paalam ni Francis sa kaniya kanina.

"Baka gabihin daw po siya ng uwi. Marami pa raw kailangan tapusin sa trabaho." 

"I see. Well then, tayo na lang munang dalawa ang kumain." saad ng ama ni Francis at ngumiti lamang si Janna roon.

Sa mansion naman ng mga Guzman ay tahimik na nakaupo si Don Roberto sa loob ng kaniyang opisina nang may isang lalaki ang kumatok doon. Pumasok ito sa loob at ibinigay ang isang sobre sa harapan nito.

Kinuha iyon ni Don Roberto at binuksan kung saan nakita niya ang ilang larawan ni Janna na nagtatrabaho sa isang coffee shop.

“Sigurado ka bang ito ang apo ko?” tanong nito at tumango ang lalaki.

“Yes, Sir,” sagot nito.

Bumuntong-hininga ang matanda at ibinaba ang mga litrato saka tumingin sa lalaki.

“Tawagin mo si Sir Elton mo rito gusto ko siyang makausap,” utos nito at tumango ang lalaki bago sinunod and utos.

Ilang sandali pa ay pumasok din si Elton sa loob ng opisina at ipinakita ng matanda ang mga litrato rito.

“Naunahan ka pa ng tauhan ko na hanapin ang apo ko. Ano bang klaseng paghahanap ang ginagawa mo?” saad ng matanda at napalunok si Elton doon.

“Pasensya na Pa, kinailangan din kasi namin maniguro dahil ang alam namin ay nagpalit sila ng katauhan at pangalan kaya hindi pa namin masabi sa iyo,” sagot ni Elton sa ama.

Umiling si Don Roberto roon bago tumingin sa anak at sa lalaki.

“Anong ginagamit nitong pangalan ngayon? Alam niyo ba kung saan sila nakatira?” tanong nito at parehas silang umiling doon.

“Pero ang alam ko po Sir ay nagtatrabaho ito tuwing hapon diyan sa coffee shop at Janna po ang tawag sa kanya ng mga nagtatrabaho roon,” sagot ng tauhan.

“Kung ganoon alamin mo kung ano ang lagay ng apo ko at kung saan ito tumutuloy ngayon. Gusto kong hanapin mo silang mag-ina. At sa oras na mahanap mo sila ay i-report mo agad sa akin.”

“Yes Sir,”

“At ikaw Elton itigil muna ang pag-iimbestiga kung nasaan ang apo ko at hayaan mo na lang na ang tauhan ko ang gumawa niyon. Just focus on your own family and our business, lalo pa at malapit nang umuwi ang asawa mo pati na rin si Dalton,” utos ni Don Roberto rito at tumango si Elton doon.

“Yes Pa,” sagot ni Elton.

Lumabas si Elton ng opisina at kasunod niyon ay agad itong may tinawagan sa kaniyang telepono. 

"Hanggang ngayon ba wala ka pa ring nakukuha?" tanong nito sa kausap.

"Pasensya na boss kung natagalan pero may bago akong nabalitaan," sagot ng kausap nito.

Naglakad palayo si Elton mula sa opisina at doon ay muling tinanong ang kausap nito.

"Ano? Nahanap mo na ba?" 

"Ikinasal yung dalaga kamakailan lang sa isang sikat na hotel. Sa nakuha kong impormasyon doon ito nakatira ngayon sa pamilya ng napangasawa nito habang yung nanay naman ay naiwan sa dati daw nilang bahay." hab

"Send me the address of the mother at sino ang pinakasalan nung anak?" 

"Francis De Villa, boss." 

Tumango si Elton bago ibinaba ang tawag mula roon. Pansamantala itong nanatili roon habang iniisip kung paano sasabihin sa ama ang nakuhang impormasyon. Alam ni Elton na hindi siya pwedeng magpadalos-dalos lalo pa at hindi pa nahuhuli ang taong may kagagawan sa pagkamatay ng kapatid niyang si Anton.

Alam niyang nasa paligid lang ang taong nagbabanta sa buhay ng pamilya niya at sa pamangkin niya. Kailangan niya munang makausap nang masinsinan ang ama bago sila magpakita sa dalawang mag-ina. Lalo pa at ilang taon na ang nakalipas mula noong umalis ang mga ito sa puder nila.

Inihatid naman ni Francis si Carrie sa bahay nito at marahan na binigyan muli ito ng isang halik. 

"Good night, babe" saad nito nang makababa si Carrie roon.

"Good night too, babe" 

Nagmaneho paalis si Francis mula roon at nang makauwi ay tahimik na ang bahay kaya naman dumiretso na ito paakyat sa kanilang kwarto.

Pagkapasok ay nadatnan nitong mahimbing ng natutulog si Janna roon kaya naman nagbihis lamang ito bago tumabi sa kaniyang asawa. Yumakap ito sa natutulog niyang asawa at marahan na hinalikan ang gilid ng tenga nito.

Bahagya namang gumalaw si Janna roon dahilan para maidilat nito ang kaniyang isang mata at tumingin sa kaniya.

"Francis, kakauwi mo lang ba? Kumain ka na?" marahang tanong nito. 

Ngumiti si Francis rito at hinalikan lamang ito kaya naman gumuhit ang pagtataka sa mukha ng dalaga.

"I love you," usal nito at bahagyang namula si Janna roon.

"I love you too. Nagugutom ka ba? Gusto mo bang ipaghanda kita?" 

Umiling si Francis doon at mahigpit na niyakap pa lalo ang asawa habang marahang hinahaplos ang buhok nito.

"I already ate at work, I just want to hug my wife right now," saad nito at napalunok na lamang si Janna roon bago yumakap din pabalik sa kaniyang asawa.