Chapter 3

Magkokomento din sana ako kaso huwag na lang dahil nakakakaba ang paraan ng pagtitig niya, pero hindi ko pinahalata na kinakabahan ako.

"He's my son, gi—what's up, bro! You're here na pala!"

Hindi niya naituloy ang sasabihin niya nang biglang dumating si Kwago. Kala ko nalunod na ito.

"Buti't buhay ka pa," sabi ko kaya napatingin siya sa akin at nagsalubong ang kilay.

"Ano sa tingin mo sa akin, patay na?!" pairap at may inis na sabi nito.

"Ikaw may sabi niyan, hindi ako."

"Tsaka akala ko kasi nalunod ka na sa paghihilamos ng mukha, ang tagal mo kasing bumalik," sabi ko. Sinamaan naman niya ako ng tingin, kalaunan ay ngumisi.

"Namiss mo kagwapuhan ko 'noh?" sabi niya at ang lawak ng ngiti.

"Ang tanong? Gwapo ka ba?" sabi ko na nagpawalang ngiti niya.

"What the?!! Hindi mo ba makita 'tong kagwapuhan ko? Eh halos habulin ako ng mga babae pag nakikita ako," pagmamayabang niya.

"Pwes, ibahin mo 'ko! Tsaka ikaw na may sabi na ‘halos,’ hindi ka pa hinabol. HALOS pa lang, it means malapit pa lang! Muntikan pa lang! Got it?" mataray kong sabi.

"Tama naman si Miss Ganda, Cent, hindi ka naman talaga gwapo kasi mas gwapo ako," sabi naman ng naka-blue at tumingin sa akin sabay kindat. Napangiwi naman ako dito.

"Gg ka!! Ako kaya mas gwapo sa'ting magkakaibigan," singit naman no'ng naka-black jacket. Ngek!?

"Mas gwapo ako!!!!" sabi naman no'ng naka-green Jersey.

"Mas gwapo ako sa inyo!"

"Ako kaya 'yong gwapo!"

"Paa ko lang kayo, mas gwapo ako."

"Di kayo gwapo, ako 'yong mas gwapo 'noh."

"Hindi ka gwapo."

"Aba'y gg ka, mas gwapo ako sa'yo!!"

"Mukha kang tae!"

At doon na nagsimula ang World War 6.

"Are you all done, j*rks!?!" malamig na sabi ni Boss kaya natahimik silang apat at umayos ng pagkakaupo.

"Tanungin na lang natin si Miss Ganda kung sino mas gwapo sa'ting apat," sabi no'ng naka-Jersey na green.

At sabay silang apat na tumingin sa akin.

"So? Pangit? Sino mas gwapo sa'ming apat?" tanong ni Kwago.

"Hindi ako pangit! Tsaka 'yong mas gwapo sa inyo? Hmm?" sabi ko at nagkunyaring nag-iisip at tiningnan sila isa-isa.

'Yong naka-blue pulo, gwapo naman siya pero mukha nga lang manyak na may sira sa mata na laging kumikindat. 'Yong naka-black Jacket naman, gwapo din siya, mukha nga lang playboy. 'Yong naka-green Jersey naman, mukha siyang childish na maloko. At si Kwago naman? Ewan, basta kwago siya!! Sabihan ba naman akong pangit! Hmp!

"Ano na, Miss Ganda?" nakasimangot na sabi no'ng naka-green Jersey.

Nagmamadali? Nagmamadali? Tsk! Trabaho pinunta ko dito, hindi ang makipagtalo sa mga unggoy na ito.

"Walang may gwapo sa inyo! Ang papangit niyo, mas gwapo pa si Cold Baby Boy na 'yon kesa sa inyo, mga unggoy!"

Sabi ko, hindi ko na tiningnan pa kung ano ang naging reaksyon nila. Binalingan ko si Boss.

"Boss, pagpatuloy niyo na po 'yong sasabihin niyo," sabi ko. May sininyasan naman siya sa bandang likuran ko. Pagkatapos no'n, may lumapit sa akin na isang babae na may bukol sa noo? Anong nangyari dito?

"Tell Manang Fe that she's the new nanny of Storm," malamig na sabi ni Boss na agad namang tinanguan ng babae.

"Yes po, sir," sabi ng babae at yumuko bago ako inayayang sumunod sa kaniya.

"Ahh, ate, anong nangyari po sa noo niyo?" tanong ko habang naglalakad kami.

"Ah, eto ba? Nauntog ako sa may pintuan dahil sa kagagawan ni Young Master,"

"Ahh, 'yong malamig na bata po ba kanina 'yong sinasabi mo pong Young Master?" tanong ko. Malay ko may iba pa palang Young Master ang tinutukoy niya.

"Oo, siya nga. Tsaka nga pala, ako si Marie Cruz, kasambahay ako dito," pakilala niya.

"Ako naman po si Violet Rodriguez, V for short, bagong nanny ng anak ni Boss," pakilala ko naman. Ngayon ko lang naalala, hindi ko pa pala alam kung ano ang pangalan ni Boss at no'ng anak niya pati 'yong apat na unggoy na 'yon. Matanong nga kay Ate Marie, baka alam niya.

"Ate, ano po pala ang pangalan ni Boss pati 'yong anak niya? Pati na rin po pala 'yong apat na lalake na 'yon?"

Hindi kasi si Boss 'yong nakausap ko no'ng e-ni-hire ako bilang nanny, kundi ang secretary niyang si Nelson na kapitbahay lang namin na kaibigan ko at kinakapatid ko rin.

"Hindi pa ba sila nagpakilala sa'yo kanina?" tanong ni Ate Marie. Agad naman akong umiling sa tanong niya.

"Sige, ako na lang ang magpapakilala sa kanila. 'Yong si Sir, ang pangalan niya ay Thunder Black Vladimir, 27 years old. Si Young Master naman ay Storm Bluezzy Vladimir, 7 years old. At 'yong apat namang lalake na dumating ay mga kaibigan sila ni Sir, sila si Sir Luke Wilson (black jacket), Sir Vincent Cleveron (kwagong dragon), Sir Tyrone Velazera (green Jersey), at Sir Alexxis Angelo Morleno (blue pulo)," sabi niya. Napatango-tango naman ako.

Saktong nakarating kami sa kusina?

"Ate, ano naman ang gagawin natin dito? Tsaka po naiwan ko doon sa sofa 'yong bag ko," sabi ko kay Ate Marie.

Kanina kasi nilapag ko sa sofa 'yong dala kong backpack, baka may mangialam sa gamit ko habang wala ako doon.

 "Okay lang 'yon, V, babalikan natin 'yon mamaya. Sa ngayon, ipapakilala muna kita kay Manang Fe," sabi ni Ate Marie. Tumango na lang ako.

"Manang Fe! Nandito na 'yong bagong nanny ni Young Master," pagtawag ni Ate Marie sa kakapasok lang na mayordoma ata ng mansion. Lumapit siya sa gawi namin ni Ate Marie.

"V, siya pala si Manang Fe, ang mayordoma dito. At Manang Fe, siya po si Violet, ang bagong nanny ni Young Master," sabi ni Ate Marie.

"Hi po," bati ko.

"Hello, iha, tawagin mo na lang akong Manang Fe kasi 'yan ang tawag nila sa akin,"

Tumango na lang ako sa sinabi ni Manang Fe.

"Nga pala, iha, ito pala ang mga dapat mong gawin sa pag-aalaga at pagbabantay kay Young Master. Dapat alas singko pa lang ng umaga ay nakahanda na 'yong paliguan niya at damit. Pagdating ng alas singko trenta ay dapat nakahanda na 'yong breakfast niya. Itatanong mo sa kaniya kung ano ang gusto niyang kainin sa umaga, dapat tanungin mo siya sa gabi para pag umaga, nakahanda na. Ihahatid-sundo mo siya sa eskuwelahan, 7:30 ang pasok niya, 3:30 ng hapon ang uwian nila. Pag sa gabi naman pagpatulog na siya, basahan mo ng libro hanggang sa makatulog. Ikaw rin ang maglalaba ng damit niya," mahabang sabi ni Manang. Mabuti at hindi siya hiningal.

"Copy po," sabi ko at tumango-tango pa.