Chapter 3 The Lab Partners

Emerald's POV

        Pagdating ko sa classroom ay umupo ako sa unahang upuan upang makapag concentrate sa klase. Wala pa naman si ma'am,kaya minabuti ko munang makipag kwentohan sa katabi ko na si Keith, matalino ito at palakaibigan kaya naging crush ko siya noon pero nang malaman kong bakla ito at lalaki ang gusto niya ay tinuring ko nalang itong parang kapatid.

       "Hoy girl! Nasan na iyong gwapong transferee? Bakit hindi mo siya kasama?" tanong nitong pinataas pa ang isang kilay.

     "Hindi ko alam noh? mukha ba kaming close?" sabay roll eye.

      "Sus girl! kung ako sa'yo, grab ko na siya, Ang yummy ka ya niya!" bulalas nito habang nangigislap ang mga mata.

     "Alam mo Kieth, kadiri ka!" turan ko sa kanya.

      Agad kong nakita ang pagpasok ni Jester sa loob ng classroom. Nagmamadali ito at magulo ang buhok at agad ring umupo sa may bakanteng upuan sa may last row.

Bigla kaming natahimik, maya-maya ay pumasok na si Ms. Guerero ang physics instructor namin,medyo kinakabahan kami dahil sabi ng mga schoolmates namin na under niya ay terror daw ito.

    "Okay class, Let's have a short review on your physics." panimula nito.

"By one dimension,where bodies moved in one plane or in a straight line, what are the four variables that put together the equation of motion?"

          Agad akong nagtaas ng kamay, nakita ko ring nagtaas ng kamay si Jester. Nagkatinginan kami at agad naman sumenyas si ma'am na si Jester na ang sumagot.

          " The four equations of motion are; initial velocity, final velocity, acceleration, distance traveled and time elapsed." confident na sagot nito.

Napanganga ako, buong akala ko puro lang pang chicks hunting ang alam ng lalaking ito, may laman rin pala ang kukuti niya. Namangha ang mga kaklase namin lalo na si Kieth na abot teynga ang ngiti.

            Nagtapos ang klase namin na matiwasay, dahil iyon lang naka eskedyul kong klase sa araw na iyon ay minabuti kong umuwi na sa bahay para makapag review para bukas.

-----------------------------

           Kinabukasan ay Biology class namin kailangan naming pumili ng kapareha para sa laboratory activity namin bukas. Human Anatomy ang topic namin kaya kailangan naming magdisect ng palaka, as their bodies provide good overview of the organ system and nearly identical to humans,kaya kailangan namin makahanap ng palaka para bukas.

Gusto kong si Kieth ang maging kapareha ko pero gusto ni ma'am na siya mismo ang pumili para daw maging fair sa lahat.

           I was waiting attentively for my partner's name to be called and unfortunately si Jester Cyrelle Hamilton ang magiging partner ko sa laboratory activity na iyon.

           "Girl, palit tayo ng partner?!" tili pa ng bakla kong kaibigan.

            "Tumahimik ka nga Kieth! baklang to?!" saway ko sa kaniya.

       

            "Okay class, now that everyone of you has already paired, you may now use the remaining time for your discussion," sabi ni ma'am at agad ring umalis.

           Nakaupo lang ako sa aking pwesto, hinihintay ko na ang lalaki mismo ang pumunta sa akin, kusa naman itong lumapit sa kinaroonan ko habang pakamot- kamot sa ulo nito.

            "Paano ba iyan, ako ang magiging partner mo?" ngiting turan nito

           "Hah! no choice nga diba?!" irap ko pa sa kaniya.

             "Ang init naman ng ulo nito!" pailing - iling nitong saad.

           "Sige, pag - usapan nalang natin kung paano makakuha ng palaka mamayang gabi," pag - iiba ko sa usapan.

            "Okay, your place or my place?" ngiting tanong niya sa'kin.

            "Huh? Anong bang pinagsasabi mo? Ang bastos mo talaga!" bulyaw ko sa kanya .

              "Woah! 'wag ka ngang dirty minded, ang ibig kung sabihin kung saan tayo maghahanap ng palaka mamaya?"

             "Siyempre, doon sa may batis sa hacienda niyo!"

             "Fine, just give me your number then, para matawagan kita," dugtong pa niya.

              "Hindi pwede, ayaw ko ng katextmate! magkita nalang tayo mamaya doon, 7pm sharp," saad ko at nagdilim naman ang mukha niya, halata sa hitsura niya ang pagkadisgusto sa sinabi ko pero wala itong magawa kaya tumango nalang ito bilang tugon.

        Pagkatapos kong makauwi galing eskwela ay tinulungan ko muna si mama na makapaghanda ng hapunan. Habang kumakain kami ay nagpaalam ako kina papa at mama na kailangan kong pumunta sa Hacienda Hamilton dahil kailangan naming makahanap ng palaka para sa group project namin bukas.

         Agad naman akong pinayagan ng mga magulang ko. Malaki ang tiwala sa akin ng mga magulang ko kaya ayaw kong biguin sila.

Kasalukuyang naglalakad ako patungo sa may batis, madilim ang paligid at tanging ilaw lang ng buwan ang nagbigay liwanag kaya binuksan ko ang flashlight ng cellphone ko para mailawan ang dinadaanan ko.

            Sa di kalayuan, nakita ko si Jester na nakatalikod at may hawak- hawak na flashlight. Nocturnal ang mga palaka kaya mas madaling makahanap kapag gabi. Nilapitan si Jester, agad naman akong napansin nito.

           "Nakahanap ka na ba?" tanong ko sa kanya.

             "Hindi pa, kanina pa ako maghahanap dito habang hinihintay kita," tugon niya.

            "Ganon ba? Pasenya na at na late ako ng dating," paumanhin ko sa kaniya.

           "No, it's okay, maghanap nalang tayo ng palaka rito, mas madali tayong makakita kapag tayong dalawa ang maghahanap," sabi niya at tumango ako bilang pag sang- ayon ko sa kaniya.

            Sinimulan na namin ang paghahanap. Maya - maya ay may narinig kaming tunog ng palaka at agad naming sinundan ang tunog na iyon, habang iniilaw namin sa daan ang dala naming flashlight. Agad namin nakitang dalawa ang palundag-lundag na palaka.

               Dahil gigil kaming pareho na madakip ang palaka ay agad naming sinunggaban iyon, pero imbes na palaka ang mahuli ko ay ang kamay ni Jester na nakalapat sa putik ang nahawakan ko, pero hindi namin nakuha ang palaka.

            Pareho kaming nabigla sa nangyari, mataman kaming nagkatitigan sa isa't- isa. Agad kong binitawan ang kamay niya nang marealize kong hawak-hawak ko pa iyon.

            Ramdam ko ang pag - init ng magkabilang pisngi ko at biglang lumakas ang kabog ng aking dibdib. Bigla namang tumahimik ang paligid. Tumayo ako at akmang tatalikod kay Jester, then he suddenly grab me by waist.

           Napalunok ako sa sarili kong laway. I can't resist his gaze against me. I lift my head to meet his eyes. Hinawakan niya ang putikan kong kamay at pinisil iyon, ramdam ko ang init ng palad niya. Bahagya akong napapikit. He then suddenly lowered his face to me.

          Naamoy ko ang mabango niyang hininga. Nang biglang pareho kaming nagulat sa ingay ng palaka .

        "Jester, ang palaka hulihin mo, dali!" sigaw ko sa kaniya.

       "Damn this frog!" rinig kong pagmumura niya habang naglalakad patungo sa direksyon ng palaka. Sumunod naman ako sa kaniya at itinuon ang ilaw ng flashlight sa gawi niya at tagumpay naming nakuha ang palakang iyon.

           Kinabukasan ay pumasok ako sa paaralan habang dala-dala ko ang palakang nakasilid sa maliit na aquarium. Paakyat ako sa second floor nang may nakita akong babae at lalaking naghahalikan sa gilid ng biology laboratory namin.

         Wala pa namang tao doon at tanging mahinang ungol lang nang babae ang naririnig ko. Ang magkabilang kamay ng babae ay nakapulupot sa leeg ng lalaki.

Sinubukan kung lumapit sa kinaroonan nila dahil doon ang room namin ngayon at para mailapag ko na ang nakakapangawit sa kamay ko at braso na aquarium.

            Nang makalapit na ako ay mapatanto kong si Eden at Jester iyon. Bahagya pang nagulat ang dalawa sa paglapit ko at natigil ang kanilang ginagawa. Tumikhim muna ako bago nagsalita.

         "Ehem, excuse me, makikidaan lang," sabi ko sa kanila. Biglang natigilan si Jester at sumunod sa gawi ko pero hinila ito ni Eden.

           "Baby,we're not done yet!" saad nito sa lalaki.

           "I'll call you later Eden, Just leave for now." rinig kong sambit ni Jester. Ngumiti ng mapait si Eden at agad ng umalis.

           Pagpasok ko sa room ay agad kong inilapag ang dala kong aquarium sa mesa na may sink at wala sa sariling sinuot ko ang lab gown kahit wala pa ang mga kaklase at professor ko, hindi ko namalayan na nakasunod pala si Jester sa akin, and suddenly I feel a light stroke of fingers in my shoulder, agad akong lumingon saking likuran, at nakita ko ang nakangiting mukha ni Jester, parang ang ganda ng mood niya, ngiting naka score!

         Maya- maya pa ay nagsidatingan na ang mga classmates namin at si ma'am kaya nagsimula na kami sa pagdidisect ng palaka. Pagkatapos ng lab activity namin ay agad akong pumunta sa library para gumawa ng assignment at para makapag review na rin.

          Wala pang masyadong tao sa loob ng library at mangilan - ngilan lang ang mga estudyanteng naroon kaya agad akong umupo sa bakanteng mesa at inilapag ang bag ko. Naglakad ako patungo sa book shelf kung saan nakapile ang babasahin kong libro, pero nasa pinakamataas na bahagi ito nakapatong,

          I tried to reach the book but it was too high for me pero naalala ko na may elephant ladder na nilagay ang librarian sa pinakasulok, luma na kasi ito kaya hindi na pinapagamit sa mga estudyante. Agad kong kinuha kahit medyo may kabigatan iyon and I immediately step on the ladder, nasa unang baitang palang ako ng hagdanan ng may narinig akong nagcrack pero nagpatuloy parin ako sa pag - akyat nang biglang bumigay ang hagdanan, napapikit ako at hinanda ko ang sarili ko na bumagsak sa sahig pero may nakasalo sa'kin!

  

      Agad akong tumingala upang mapagsino iyon at tamambad sa'kin ang nag - aalalang mukha ni Jester.

       "Okay ka lang?" tanong niya sa'kin habang binababa ako.

      "Ha? Ah.. oo, okay lang ako," sagot ko sa kaniya.

       "May masakit ba sa'yo? Dalhin na kita sa Infirmary," nag - aalalang turan niya.

      "Huwag na, okay na ako," ani ko.

      "Ano ba kasing kukunin mong libro? Alam mo namang hindi na ginagamit 'tong hagdanan pero kinuha mo parin!"

        "Teka lang, nanay ba kita? Bakit ka ba nanenermon ha?" bulyaw ko sa kaniya paraan para makaagaw kami ng atensyon sa ibang estudyante na nag - aaral doon at agad ring kaming nilapitan ng librarian at pinagsabihan na huwag mag - ingay at pinapabalik ang hagdanan sa dati nitong kalalagyan ay pinagtulungan naming buhatin ni Jester iyon.

    Pagkatapos namin doon ay umalis nalang ako sa library at naiwan si Jester at ang librong hindi ko pa nababasa.

      Nakasakay na ako ng jeep ng maalala kong hindi pala ako nagpapasalamat kay Jester sa pagmamagandang loob nito sa'kin, at nagkataon pa talaga na nandoon siya para tulungan ako, di bale kakausapin ko nalang siya bukas!