Trouvaille

 

 

“Ang ganda dito! Paano nyo po ito nalaman, Binibini?” tanong kaagad ni Isa habang umiikot ang paningin niya sa paligid.

“Mahabang kwento.” sagot naman ni Euphie habang nakangiti at nakatingin rin sa kulay asul na karagatan.

“Tama ang ganda nga dito. At bukod pa run, Mabuti na lang at mayroon rin ditong malapit na bahay panuluyan. Pwede pa tayong manatili ng mga ilang araw.” ani Dan habang nakapamaywang at pinagmamasdan rin ang paligid.

“Mag-aayos muna kami ng gamit sandali. Magkita na lang tayo maya maya..” wika naman ni Euphie sabay pasok sa kwarto nila ni Isa. Maliit lang ang kwarto ngunit napa-presko naman ang dating nito. Puti ang mga sapin ng higaan maging ang mga kumot nito. Kulay asul naman ang mga kurtina nito at matatanaw mo kaagad ang malawak na karagatan sa labas ng binata nito.

Nang maayos na nila ang kanilang mga gamit maging ang sarili nila ay nagkita kita sila sa baba upang mananghalian muna.

“Oh my god, Bulalo!” napakagat lang ng labi si Euphie nang