CHAPTER 3

CHAPTER 3

Kahit na nasasaktan sa sinabi ni Francis ay pinilit ni Sophia na magpakahinahon. Napabuntong hininga na nga lamang sya para pakalmahin ang kanyang sarili.

“Mr. Bustamante pinaalalahanan ko si ms. Bianca tungkol sa bagay na yan. May surveillance camera ang ating kumpanya kung hindi ka naniniwala sa sinasabi ko. Maaari natin itong paimbestigahan at i-verify kung gusto mo,” sagot ni Sophia kay Francis dahil parang gusto nitong isisi sa kanya ang pagkakamali ni Bianca.

Bigla namang namutla si Bianca dahil sa sinabi ni Sophia.

“A-ate Sophia siguro ay nadistract lamang ako kaya hindi ko masyado narinig ang mga sinabi mo kaya nagkamali ako. P-pasensya na,” pagdadahilan na lamang ni Bianca kay Sophia dahil alam naman nya na sya ang mali at yun na lamang ang naisip ni Bianca na idahilan.

Hindi naman sya pinansin pa ni Sophia at sinamaan lamang nya ito ng tingin.

“Sa dami ng produkto na yun. Imposibleng palampasin lamang ng mga Villamayor iyon. Ako na muna ang hahawak sa mga produkto na iyon. Ang kumpanya ay may mga patakaran at ang mga responsibilidad ni ms. Bianca ay may kaukulang parusa,” sabi pa ni Sophia.

Agad naman na umalis si Sophia roon para tingnan kung ano nga ba ang mga naging problema. 

Kinagabihan noon ay nagpa set nga ng meeting si Sophia sa kabilang kumpanya kung saan nagkaroon ng problema sa bilang ng kanilang produkto.

Agad naman na nakipag usap kay Sophia ang nasa kabilang kumpanya na si Mr. Villamayor.

Hindi naman napansin ni Sophia na sumunod pala sa kanya si Francis sa kabilang kumpanya. Pagkalabas kasi nya roon ay agad nga na itinuro ng guard na may naghihintay nga raw sa kanya roon at nagulat nga sya ng makita nya na si Francis iyon at mukhang hinihintay nga sya nito. Hindi nya kasi talaga inaasahan na susundan sya nito rito. 

Agad na rin naman na lumapit si Sophia kay Francis na nasa loob lamang ng sasakyan nito. Halos alas onse na rin ng gabi kaya naman sumakay na rin sya sa sasakyan ni Francis dahil malamig na rin talaga sa labas at wala na ngang masyadong tao.

“Tapos ka na ba na makipag usap sa kanila?” pormal na tanong ni Francis kay Sophia at napansin pa nga nya na namamayat na pala ito at medyo namumutla na rin.

Agad naman na tumango si Sophia rito bilang sagot.

“Mas mahirap kausap si Marvin kesa kay Max. Pero nangako ako sa kanila na papalitan na lamang ang mga kulang na produkto,” sabi  pa ni Sophia.

Sinulyapan naman ni Francis si Sophia at saka ito marahan na bumuntong hininga.

“Si Bianca ay bata pa at hindi pa sanay sa ganitong trabaho kaya hindi natin sya masisisi sa mga nangyare,” sabi pa ni Francis kaY Sophia.

Bigla namang natigilan si Sophia at saka nya seryosong tinitigan si Francis.

“Ikaw ang presidente ng kumpanya at ang anumang gustuhin mo ay nakadepende sa kung anong gusto mong gawin. Pero sana maging patas ka naman sa lahat ng empleyado mo,” sagot ni Sophia kay Francis.

Bigla tuloy naalala ni Sophia noong bago pa lamang sya sa kumpanya ni Francis dahil mas bata pa sya noon kesa kay Bianca.

Napabuntong hininga naman si Francis at iniba na lamang nya ang usapan nilang dalawa dahil may punto naman kasi ang sinasabi ni Sophia.

“Hindi ko pa nga pala nababanggit kay lolo ang tungkol sa paghihiwalay natin,” pag iiba ni Francis ng kanilang usapan.

Matanda na kasi ang lolo ni Francis at nasa bahay na lamang ito dahil palagi na lamang may sakit.

Tanging pagtango lamang naman ang naging sagot ni Sophia sa sinabi ni Francis.

Uminom naman ng kaunting alak si Sophia dahil may nakita sya sa sasakyan ni Francis. Uminom sya kahit na wala pa siyang kain. Maya maya ay napasandal na lamang sya ata agad na nga na nakatulog.

Agad naman na napansin ni Francis na nakatulog na nga si Sophia kaya naman pinakatitigan nya ang mukha nito at napansin nga nya na namumutla ito kaya naman napakunot na lamang ang noo nya kaya nagpasya sya na dalhin na lamang sa ospital si Sophia.

Bigla namang nagising si Sophia at napansin nga nya na iba na ang daan na tinatahak nila ni Francis.

“Saan mo ako dadalhin?” agad na tanong ni Sophia habang nagpapalinga linga sya sa kanilang paligid.

“Dadalhin kita sa ospital,” tipid na sagot ni Francis.

Bigla namang kinabahan si Sophia kaya naman umisip na lamang sya ng idadahilan nya rito para hindi sya nito dalhin sa ospital.

“Ha? Naku wag  mo na akong dalhin sa ospital. Uuwi na lamang ako at kulang lang talaga ako sa pahinga,” pagdadahilan na ni Sophia. Agad naman na napalingon sa kanya si Francis.

“Sigurado ka ba r’yan?” tanong pa ni Francis

“Oo sigurado ako. Kaya iuwi mo na lamang ako,” sagot naman ni Sophia.

“Sige kung yan ang gusto mo,” sagot ni Francis at saka nya sinabihan ang kanyang driver na bumalik na sila.

Agad naman na sumunod ang driver ni Francis at agad na nga nilang inihatid si Sophia sa bahay nito.

Pagkapasok na pagkapasok naman ng bahay ni Sophia ay agad na nga nyang kinuha ang phone nya at agad na tinawagan ang kaibigan nyang si Karylle. Nakailang ring pa ngan iyon bago ito sinagot ng kanyang kaibigan.

“Hmm. Hello, bat napatawag ka Sophia? May problema ba?” agad naman na tanong ni Karylle sa kaibigan dahil dis oras na ng gabi ito kung tumawag sa kanya at kasarapan na nga ng kanyang tulog.

“Ahm… Karylle pasensya na sa abala ha. Baka pwede mo naman akong bilhan ng pregnancy test kit bukas. Please,” deretsahan ng sabi ni Sophia sa kanyang kaibigan.

Parang bigla naman nagising ang diwa ni Karylle dahil sa sinabi ng kanyang kaibigan.

“Ha? Pregnancy Test kit? Bakit? Para kanino?” sunod sunod pa na tanong nito mula sa kabilang linya.

“Basta bilhan mo na lamang ako bukas ha. Abot mo lang din sa akin. Salamat,” pagkasabi nya noon ay agad na nga nyang pinutol ang tawag nila ni Karylle dahil sigurado sya na tatadtarin na naman sya ng tanong nito.

**********

Kinabukasan ay mayroon namang salo salo na pinuntahan si Sophia kasama ang ilang mga kaibigan nila ni Francis at kahit ito ay naroon din. Sinadya pa nga ng mga ito na pagsamahin sila ngayon dahil nalaman nga ng mga ito ang nangyari sa dalawa.

Papasok pa lamang sana sa loob si Sophia ng marinig nya ang boses nila Francis at Kurt na nag uusap kaya dahan dahan na lamang sya na pumasok doon.

“Totoo ba na naghiwalay kayo ni Sophia? At dahil iyon sa Bianca na yun?” tanong pa ni Kurt kay Francis.

Bigla namang natigilan si Sophia sa paghakbang ng marinig ang tanong nito kay Francis at hinihintay nga nya ang magiging sagot nito.

“Walang kinalaman dito si Bianca. Hindi kami bagay ni Sophia at hindi sya nararapat sa akin,” balewalang sagot naman ni Francis sa kanyang kaibigan.

“Paanong hindi nararapat?” naguguluhang tanong ni Kurt kay Francis. “Ano pa ba ang hinahanap mo? Maganda si Sophia, matalino na mabait pa. At isa pa ay kilalang kilala na sya ng pamilya mo sa loob ng maraming taon. Ano pa ba ang problema mo sa kanya? At isa pa alam naman natin na malaki na ang naitulong nya sa’yo,” dagdag pa ni Kurt.

Nakita at nakilala na rin naman nya si Bianca. Oo at maganda ito at maalalahanin. Pero kung ikukumpara kay Sophia ay mas gusto nya itonpara sa kanyang kaibigan.

Hindi naman na nakatiis pa si Sophia sa kanyang mga naririnig na pag uusap ng dalawa kaya naman nagpasya na lamang sya na umalis na lang.

Nag message na lang din sya sa kaibigan nyang si Kim na umalis na sya dahil may kailangan pa pala syang gawin.

Pagkaalis nga nya roon ay agad na nga syang nakipagkita kay Karylle at saka nya kinuha ang ipinapabili nya rito.

Agad naman na iniabot ni Karylle ang pregnancy test kit kay Sophia pero hindi nya muna ito binitawan at seryoso nyang pinakatitigan muna ang kaibigan.

“H-hindi ka naman siguro buntis no?” alanganing tanong ni Karylle kay Sophia.