Chapter 6

Nagsimula talaga siyang magka-crush kay Kenzo mula nang mabalitaan niyang sinapok daw nito ang schoolmate niya na nagnakaw ng baon niyang nilagang saging noong Grade Six pa lamang sila.

Naulit naman iyon noong first year high school na sila sa same school lang din. Ang school kase nila ay may elementary at high school na rin. Nabalitaan niya na inabangan daw ng isang estudyanteng Madrigal daw ang apelyido ang kaklase niyang namintas sa bag niyang may butas at pinahiya pa siya sa klase. Wala naman siyang ibang kaklase na Madrigal ang apelyido kundi si Kenzo.

Mula noon ay lihim na niyang hinangaan at iniluklok sa pedestal ang kaklaseng Madrigal. Pero tumindi ang paghangang nararamdaman niya kay Kenzo at sa palagay nga niya ay nauwi na sa lihim na pagmamahal dahil sa pangyayari noong second year na sila.

Buong taon kase ay palaging nagkakaroon ng Monde Mamon sa bag niya sa tuwing matatapos ang PE class nila. Para bang inilaan iyon talaga sa kanya dahil pagod sila after PE at dahil budgeted lang ang baon niya at tapos na ang reses bago mag-PE, wala na siyang baon pa.

Noong mga unang beses ay hesitant pa siyang inuwi dahil baka gawa lamang ito ng mga sira-ulo niyang kaklase o binubully na naman siya.

Baka pag-uwi niya ay bintangan pa siyang magnanaw o kaya ay kung ano ang sasabihin ng mga ito.

Pero halos isang linggo nang palaging may ganoon ay nakiramdam na si Elise . Mailap si Kenzo sa kanya na parang may itinatago.

Well, suplado naman talaga ito at mas nakakadagdag sa pogi points iyon sa binatang kaklase para sa kanya. Pero narinig niya ang usap-usapan na si Madrigal daw ang gumagawa noon at madalas bumili ng Monde mamon sa canteen.Natuwa ang puso ni Elise, lalo na na-confirm niya na si Kenzo na naman nga ang may kagagawan. Kaya magmula noon ay isinisilid na niya sa bag ang mamon at inuuwi sa bahay at halos nakayakap na niya sa pagtulog. Bagama't iwas at tatahi-tahimik lang si Kenzo na hindi man lang siya sulyapan ay inunawa ito ni Elise .

Baka nga torpe pa ito o nahihiya at ayaw makantiyawan. Inakala na lamang ng dalaga na nahihiya pa si Kenzo na maging bulgar, kaya sinakyan na lamang muna niya iyon. Baka kase pag nakantiyawan ay huminto sa ginagawa, kaya naman palihim din na inalagaan ni Elise sa puso niya ang binata.

Magtatapos na ang klase ng magiging tag-ulan. Noong mga oras na yun ay walang sundo si Kenzo, kaya kailangan nitong sumabay sa ilang kaklase at sumakay ng tricycle.

Wala itong payong na makasabay sa wakas. Pero kahit nanginginig ang mga tuhod sa kilig na makakasabay niya sa tricycle, nilakasan ni Elise ang loob niya. Inabot niya kay Kenzo ang payong at ipinahiram muna.

"Kenzo, ikaw na ang magpayong, susunduin daw ako ng kuya ko, eh," pagsisinungaling ni Elise.

"Huh? Bakit? Aah, sure ka?' sabi nito na parang gulat na gulat sa kanya. Alam ni Erika na kunwari lang ito ni Kenzo para hindi magsimula ng tukso, pero hindi sila nakaligtas sa ibang bully na kaklase. Pinagtuksuhan pa rin kase sila.

"Oy, si Kenzo may lovelife na," tukso ng ilang kaklaseng naroon sa pila.

"Manahimik nga kayo. Basain ko kayo," sabi ni Kenzo na hindi tumingin sa kanya. Get na ni Elize yun.

"Sige na, Kenzo, oh, eto na ang payong mababasa ninyo papasok sa inyo. Sige, teka ayon na yata si Kuya," sabi ni Elise na nagkunwari lamang na nakita ang kapatid.

Magpapako pa siya sa krus kapag sinundo talaga siya ng mga kapatid. Milagro yun.

Tumakbo si Elise sa ulan at huminto sa isang lumang tindahan.

Saka tinanaw ang tricycle na baka paalis na noong mga oras na iyon. Saka pinangpagan ng dalagita ang katawan dahil sa tulong ng ulan. Saka inantabayanan ni Elise na sana ay tumila agad.

Walang kamalay-malay ang dalagita na isang lalaki ang nakasandal naman sa medyo tagiliran bahagi ng tindahan habang humihithit ng yosi nang patago. Hindi pa kase ito legal manigarilyo.

Napansin nito ang pagdating ng babae, medyo siniip niya lang ito at hindi na pinansin. Malakas ang ulan at basain na ang blouse ng babae. Bakit nga ang kulay black na strap ng bra nito mula sa view niya sa likuran?

Nakahalukipkip na ang babae, kaya alam niyang giniginaw na ito. Nakita niyang parang tinatancha-tancha ng babae ang lakas ng patak ng ulan hanggang sa nagtangka itong tumakbo pero napabalik at sumilong dahil biglang lumakas ulit ang ulan at may kasama pang kidlat.

"May bagyo, Miss, hindi mo ba nabalitaan? Sinabi sa tv kanina. Ewan ko nga ba dito sa school natin kung bakit di pa sinuspend ang klase kanina pa," nagulat si Elise nang may nagsalita.

May ibang tao pa lang na nakikisilong doon sa bulok na tindahan. Nilingon niya ang lalaki, pero nasa gilid ito ng tindahan. Sapatos lamang nito na Converse na itim ang nasilip niya, saka ang jacket nitong kulay coffee brown ang nasulyapan niya.

Batay sa pantalon na suot nito, estudyante rin ito sa school nila.

"Wala kaming Tv eh, kaya hindi ko nabalitaan.Kaya pala ang lakas eh. Estranded ka rin? Haist, kailan kaya ito titigil? Malalagot ako kapag dumating si Tatay na wala pang sinaing," sabi ni Elise, na nilingon ulit ang taong naroon.

Nakita niya ang pagbuga nito ng usok, kaya alam niyang naninigarilyo ang lalaki. Marahil ay tago pa ang pagyoyosi nito kaya nasa gilid-gilid ng kung saan.

"Naku, mag-aalas singko na, mayayari ako sa Itay, walang ulan-ulan sa tatay ko," sabi ni Elise na tinangkang sugurin ang ulan pero aandap-andap siya dahil talagang malakas.

"Here,..wear this. Hindi 'yan waterproof, pero sa kapal niya, nakauwi ka na bago tuluyang mabasa. Makapal din ang hoody niyan kaya safe ka sa sakit," sabi ng lalaki na inabot sa kanya ang jacket nang hindi man lang kumikilos sa kinasasandalan.

Inabot naman iyon ni Elise saka nagpasalamat.Aarte pa ba siya, eh kailangan talaga niyang makauwi.

"Eh, paano ka? Paano ka uuwi? Sabi ng dalaga.

"Don't mind me, mas pabor sa akin ang hindi umuwi. Nagpapasalamat pa nga ako sa ulan dahil nagkaroon ako ng dahilan na matagalan at ma-stranded, "sabi ng lalaki.

"Ah, ganun ba? Oi, salamat talaga. Ako nga pala si Elisa Fatima Del Rios. Salamat ulit ha, isasali ko na lang bukas. Dito din, same time okay lang ba?"sabi ni Elise.

"Sige, bahala ka, pwede rin namang saka mo na isali, gamitin mo hanggang gusto mo," sabi pa ng lalaking nagiging maganda na ang boses habang tumatagal, sabi ni Elise.