Chapter 5

"What, Mama..! Bakit ako? Hindi ba dapat si Kenzo? Gimbal na tanong niya sa ina. Noon pa niya sinanay ang sariling tawagin itong Mama, since ito naman ang nagsabi noon na tawagin siyang Mama.

"Eh, nasaan ba ang kapatid mong lagalag? Saka utos naman ’yan ng lola mo ang alalayan mo ang kapatid mo. We have to do something; dalawang buwan na lang at death anniversary na ng lola mo," sabi nito.

"Hindi nyo pa ho ba nakakausap si Kenzo? Alam naman niya ang bagay na ito, di ba?" sabi ni Kevin. Hindi talaga siya nakakapalag kapag tungkol na sa habilin ng lola niya ang issue.

"Yes, nakausap ko rin ang kapatid mong iyon. Uuwi na daw siya pero ipapasyal muna nito ang girlfriend  and I don't know kung kailan naman matatapos ang pamamasyal na yun? He is so stubborn," sabi pa ng kanilang ina.

"Nagpadala ako ng ilang box ng pizza ngayon sa bahay nina Elise at inilagay ko na galing sa kapatid mo. Now it's your turn to do something,bahala ka na kung anong next step. Basta dapat masundan na ang sinimulan ko para before mag-end ang month na ito makapamanhikan na tayo," bilin ng ina.

"Makirot ang mga daliri ko sa paa, eh magpapahinga na muna ako," sabi ng kanyang stepmother na bumalik na sa pagkakahiga. Naiwang naguguluhan at nag-iisip si Kevin kung ano pa ba ang gagawin niya.

Samantala......

Nadatnan ni Elise tahimik sa balkonahe nila for the first time. Himala at walang nangiinuman o nangto tong-it. Diretso ang dalaga sa loob ng bahay nang makita niyang tahimik na lumalamon ang mga haragan. Mukhang pizza ang nilalantakan ng mga ito.

Tinapik niya  sa batok si Jeff na pasubo na ng malaking hiwa ng pizza at sosyal pa ang pangalan ng brand. Hindi biro ang presyo ng yellow cab. Pero imbes na lingunin siya, isinubo nito nang buo ang isang hiwa na pizza na akala mo naman ay aagawin niya.

"Aba, mukhang sosyal ang nilalantakan nyo, ah. Sinong nanalo sa huweteng? Don't tell me, sa wakas, nanalo ka na rin sa sabong, kuya?' tanong niya, na dadampot sana ng isang hiwa ng pizza nang unahan siya ni Jeff, sabay subo na naman ng buo, na kulang na lang mabilaukan ito, sarap batukan ng kapatid niya.

"Abat! Hoy, maghinay-hinay ka naman, para kang mawawalan, ahh, eh tatlong box 'yan ," sabi ni Elise at binuksan ang iba pang box, pero laking dismaya niya na wala na palang laman ang mga box. So yung inagaw ni Jeff ay last slice na pala. Wow! Hindi man lamang siya naalalang tirhan kahit isang hiwa. Mga h*******k na tinamaan ng Lintek talaga.

"Wow, nahiya pa kayong itapon ang boxes. Ininggit nyo lang talaga ako? Mag-share naman kayo kahit biyaya nyo 'yan. Ako nga eh  kapag bagong suweldo ay..."

 "Sus, ayan ka na naman eh, puro ka sumbat eh ang naiuuwi mo lang naman eh mani o kaya nilagang  mais at bananaque ni Aling Doris ," sabi ni Jeff.

"Abat, nag-demand ka pa. At least meron. Hoy,hindi porke nakabili kayo ng mamahaling pizza ay aapihin na ninyo ang bananaque," singhal niya.

"Ano bang pinagmamaktol mo? Hintayin mo na lang na magpadala ulit ang fiancé mo  o kaya sabihin mo sa kanya na sa susunod na magpapadala ulit , eh dagdagan naman kase bitin kamo," sabi ni Jeff.

"Sino? Ano kamo?" tanong ni Elise na biglang naguluhan

"Yung fiancé mo ang nagpadala niyan. Walang nanalo sa amin sa sugal. Pinadala 'yan ni Kenzo Madrigal na iyong prinsipe," sabi ni Jeff na iniwan na siya sa lamesa at hindi man lang sinamsam ang pinagkainan. Ang kuya naman niya, matapos magbitbit  kanina ng dalawang hiwa, ay mabilis nang lumabas.

"Ano…? Padala ito ni Kenzo? Sinabi niyang fiancé ko siya?" nagtatakang sabi ni Elise, pero biglang  halos maihi sa  kilig.

"Oh my God, nagpadala ng pizza ang kanyang ultimate crush? Ano ito? Seneryoso ba sila ang  kalokohan ng mga lola nila? Really, totoo ba ang bali-balitang magpapakasal sila ni Kenzo? Magiging Mrs. Madrigal siya?" Halos manikip ang dibdib ni Elise sa excitement.

Bukod kase sa siyempre ultimate crush niya si Kenzo ay naiisip din ng dalaga na isa itong Madrigal. Sa pagkakalam niya, hindi pumapayag ang lalaking Madrigal na magtrabaho ang mga asawa ng mga ito at ang bali-balita pa niya ay nagbubuhay ang Reyna ang mga babaeng nagugustuhan ng isang Madrigal.

Kung ganun ay posibleng hindi na siya pagtrabahuhin ni Kenzo at itira na lamang sa mansion ng mga ito. Matutulog siya sa malamig at malambot na kama at may katulong na gigising sa kanya para mag-almusal at  magbubukas na lamang siya ng shower para maligo.

Hindi katulad sa bahay na ito na magiging pa-igib pa siya mula sa likod-bahay sa drum na kung minsan walang laman at hindi man lang punuin at igiban ng unang gumamit. Pangarap niyang gumising  isang araw na may nalalanghap na masarap na sinangag at may  babati sa kanya na may magandang ngiti at sasabihan siya ng "Good morning, my queen." Hindi naman siguro masama ang mangarap ng ganoon.

Ang kaso, hindi ganoon ang eksena sa bahay nila for almost 10 years now. Ang gumigising sa kanya ay ang bunganga ng kanyang ina o kaya ang ingay ng mga kapatid. Babangon siya hindi para umupo sa lamesa at mag-almusal kundi babangon siya para magluto ng almusal ng mga batang kapatid at kung minsan nauubusan pa sa sinangang na siya ang nagluto. At mas madalas pa siyang maghuhugas ng lahat ng pinagkainan mula pa noong gabi.

Gusto niyang mapangasawa si Kenzo dahil nga crush niya ito at medyo love na rin naman kase laman ito ng mga panaginip niya, bagama't sa kanyang mga panaginip ay nakatalikod itong  madalas, alam niyang si Kenzo iyon. Pero hindi naman sa pagpapakaipokrita , kasama na rin doon ang maging malaya sa kinakasadlakang mahirap na buhay at makaranas naman ng ginhawa.  Gusto rin naman niyang masanasan ang pagiging mayaman. Palagay ko naman, lahat ng tao ’yan ang pinapangarap sa buhay.

"Kung nagkataon bang mahirap lang si Kenzo, magugustuhan mo? " tanong ni Elizse sa sarili.

"Oo naman, palagay ko naman ay Oo. Hindi ko naman kase siya naging crush lamang si Kenzo dahil mayaman siya at de-hatid siya ng kotse pagpasok. Bukod pa sa pogi talaga ito at mamula-mula dahil nga mayaman nang di hamak kaysa sa lahat ng kaklase niya noon, siya na rin ang sumagot sa tanong ng isipan niya.