Kabanata 79

“Senyora, ayos ka lang ba?” pukaw ni Leleng kay Celeste nang makitang kanina pa ito nakatitig sa kawalan sa loob ng kusina. Ani ng kanyang amo ay gusto nitong tumulong sa pagluluto ng tanghalian, pero hindi nito magawang batiin ang itlog ngayon.

Para siyang hindi narinig ng amo, kaya naman may pagtataka siyang bumaling ng tingin kay Faith na ito ring katuwang nila sa pagluluto, na nagtataka ring napatingin sa kanya.

“May problema yata si Senyora.” anito sa kanya.

Napakunot ang noo ni Leleng. “Mukha nga…” lumapit siya sa kinatatayuan ng amo, pumuwesto sa likod nito sa counter para kalabitin ito. “Senyora, malaki ba problema niyo–!”

“Ay malaki!” biglang nagising si Celeste sa malalim na iniisip, nagugulantang napalingon kay Leleng na gumulat sa kanya. “O-Oh, Leleng?” ilang beses siyang napakurap, natatauhan. Saka niya lamang napagtanto na kasalukuyan siyang nasa kusina sa kagustuhang tumulong sa pagluluto.

“Ay sorry po!” natatawa itong napakamot sa batok. “Malalim po kasi iniisip ni