Kabanata 80

“So you failed to kill them.” anang boss ni Diego. Walang bahid ng emosyon sa mga mata, habang ito’y nakaupo sa opisina at nakatingala sa kanya.

Napayuko si Diego. “Boss, maraming rumespunding pulis bago pa namin masigurong patay na ‘yung babae matapos nilang mahulog sa bangin. Agad silang sinugod sa hospital, at sa nakuha kong impormasyon, parehong nasa kritikal na kondisyon ang dalawa.”

“Well…” nagkibit-balikat ito. “Maybe it’s too early for them to die… How about the unborn child? May pag-asa pa ba ‘yon?”

“Sa pagkakaalam ko, boss, kung may komplikasyon na mangyari ay isa lang sa mag-ina ang pipiliin buhayin.”

“Good enough,” ngumiti ito. “I’m quite in a good mood, so I won't punish you for failing.”

“Boss?” nagtatakang sinalubong ni Diego ang paningin ni Semion. “Bakit naman maganda mood mo, boss? Kagabi lang gusto mo na silang patayin.”

Komportable nitong tinaas ang dalawang mahahabang binti sa lamesa at may ngisi paring tumugon. "Something happened between me and Celeste.”