Chapter 43

Alas tres pa lang ng madaling araw ay nasa terminal na ng bus sa Baclaran sina Danilo at Leslie. Pareho man na kinakabahan ay parehas nilang nilalabanan ang takot sa maaring mangyare sa kanila.

"Danilo, narito lang kami sa paligid nyo. Tandaan mo ang bilin namin sayo wag kang papayag na ihiwalay ka ng mga tao ni Maynard sa pinsan mo." paalala ni Dixon kay Danilo na naririnig ng binata sa earpiece na suot na isinuot sa kanyang tenga na nagmistulang hikaw.

"Relax ka lang Leslie, wag kang papahalata na may iba kayong kasama. Nakamasid lang kami ni Dave sa inyo." ani naman nito sa dalaga na katulad kay Danilo ay may suot din itong earpiece na parang hikaw.

"Bago pa man tayo nakarating ay may mga nauna na sa atin dito na kabaro namin. Mga nakadisguise lang din sila. Ang iba nagpanggap na driver ang iba ay kunware ay pasahero lang din. " ani ni SPO4 de Dios.

"Nagmamatyag pa rin ang team nila Lizarte sa bahay ni Don Menandro sa Cavite. Hindi pa sila sure kung naroon nga ang dalawang matanda.