Chapter Six

NAKATAYO si Shazna sa harap ng private bus, ang siyang sasakyan na gagamitin nila patungong Palawan. Sina Daniel at Sapphire, at sila na mga malalapit na kaibigan ng mga ito ang siyang mauuna sa lugar kung saan gaganapin ang kasal.

Maliban sa kailangan i-featured ang kasal ng dalawa sa magazine ng kompanya na pagmamay-ari ng pamilya ni Vanessa, ay kilala rin ang mga ito sa buong bansa kaya paniguradong magiging laman sila ng balita. Daniel is the only son of a well-known business man, while Sapphire is the youngest daughter of the famous and rich action star, Ronaldo Baltazar.

Para sa mga tao, maituturing na isa sa mga wedding of the year ang pag-iisang dibdib nina Daniel at Sapphire.

"Shazna, are you sure you're not coming with us?" pukaw sa kaniya ni Gabrielle.

Nakatayo ito sa harap ng kotse ni Vanessa, habang ang huli naman ay abala sa pakikipag-usap sa kung sinumang kliyente nito sa cell phone. Napailing na lang siya nang makita ang kaibigan, kayod-ka