Chapter Nine

HINDI mapakali si Shazna. Kanina pa siya pabalik-balik ng lakad sa loob ng kaniyang hotel room. Hindi niya alam kung tama bang puntahan niya si Lucas matapos ng naging pag-uusap nila sa simbahan.

It's been three days since she last saw him. Three days and she misses him so bad. Nananabik na siyang muling makausap ang lalaki. Kahit pa sabihin na lagi na lang siyang sinasaktan nito sa tuwing sila ay nag-uusap, wala siyang pakialam. She badly wants to talk to him. 

"Shaz, kumalma ka nga. Kanina ka pa paikot-ikot. Ako ang nahihilo sa `yo!"

Isang malalim na paghinga ang kaniyang ginawa bago binalingan ng tingin si Vanessa na ngayon ay nakaupo sa ibabaw ng kaniyang kama at naka-crossed arm.

"How can I calm down, Vans? Limang araw na lang, ikakasal na si Lucas sa ibang babae!" halos umiyak siya habang sinasabi iyon.

Gusto niyang sumigaw at magwala. Muli niyang sinisi ang sarili dahil pakiramdam niya, hindi niya ginawa ang lahat upang mabawi si Lucas.