Chapter 27

WALANG PATID ang pag-agos ng mga luha ni Reverie sa mukha niya habang naghahanap ng sariwang lakas upang mabuklat ulit ang ika-pitong pahina ng metallic blue journal.

Her favorite shade of color. Zurick's too. Doon pa lang ay wala na siyang duda na pag-aari ang libro ni Zurick. Hindi iyon ganoon kakapal subalit bawat pahinang tinititigan niya ay malakas na delubyo ang hatid sa kanya.

Bawat katotohanan na nakatala sa libro ay nagdudulot ng malupit na hapdi sa damdamin.

Ang unang pahina ay may pamagat na Solid Gold Dissolved. Doon nakasulat ang detalyadong rason kung bakit nag-disband ang bandang SoulDragon. Iyon ay dahil sa nakadiskubre ni Zurick na may nananahang tumor sa cerebellum ng utak nito.

Sa bahaging iyon naging lubhang emosyonal si Reverie.

Ang sumunod na pahina ay walang masyadong nakatalang mga salita bukod sa nakasulat doon na My Sweet Sunshine Is About to Shine On Me atsaka naka-attached sa pahinang iyon ang nakatalikod na imahe niya na kalmanteng nakatunghay sa kalm