KABANATA 54

Tahimik ang paligid. Mata ay nakapikit. Mariing idinikit ni Declan ang mga magkabilang palad sa noo habang pilit na inoorganisa ang nakaraan.

Sa kung paano sila nagsimula, sa kung paano nga ba siya nakaramdam ng ganoon ka-tuwa masilayan lamang ang nakabusangot na mukha ni Margaux noong araw na tinanggihan ng binata ang alok nitong pagpapakasal sa kanya.

24 hours na ang nakaraan, subalit hindi pa rin lumabas ang doktor na siyang gumagamot ngayon kay Margaux sa operating room.

Napag-alaman na rin niya kamakailan lang na sumasabay pala sa pananakit ng ulo ni Margaux ang bahagyang pananakit rin ng tagiliran nito dulot sa appendicitis na hindi pa pala tuluyang napuksa sa katawan ng dalaga noong panahong bumisita rin ito sa ward at naglikha pa ng mahaba-habang proseso ng operasyon.

Gayunpaman, ang katotohanang ibinunyag nina Hadley at Uncle Alfonso ay sariwa pa rin sa kabuuan ni Declan.

Nasasaktan siya ngunit wala ng mas masakit pa sa parteng iyon ni Margaux na talagang binawian ng pagkatao