KABANATA 6

MAUSOK na lugar, malakas na tugtog ng kanta sa dulo ng stage, iba't ibang mga kulay ng disco lights at ang maiingay na hiyawan ng mga kalalakihan habang tinutungga ang inumin na hindi niya mapangalanan.

Iyon ang sumalubong kay Margaux sa unang tapak niya pa lang sa lugar na kung hindi siya maaaring magkamali, ay isa itong makasalanang disco bar.

Napakapit si Margaux sa suot na jacket habang pilit na nakikiayon sa mga katawan na wala nang pakialam kung may masagi man.

Pilit niyang iniiwasan ang mga iyon ngunit sa ikalawang pagkakataon, nabundol na nang hindi niya kilalang personalidad ang katawan niya, napaurong si Margaux ngunit napatigil din siya sa ginagawa nang bumunggo ang kanyang likuran sa isang matipunong katawan na animo'y sementadong bagay na hindi natitibag.

Sa hindi inaasahang pagkakataon, tiningala niya kung sino ang lalaking iyon, only to find herself that Declan was looking down at her and his brows are frowning.

"Why do you