[SIMON] Part7.1: Chapter1

NGAYON ang huling taon ni Simon bilang Senior High School sa San Fabian High School, kasama ang kanyang mga kaibigan na sina Clement, Trist, Chris, Fackly, George at ang kanyang kakambal na si Samuel. Sabay silang pito na naglalakad pauwi pagkatapos nila magkita-kitaan sa kanilang tagpuan. Sa isang abandunadong bahay sa likod ng eskuwelahan.

Bagamat madilim ang kanilang nilalakaran ay 'di nila alintana ang nagbabadyang kulog at kidlat, patuloy pa rin silang naglalakad makauwi lamang sa kani-kanilang bahay. Ngunit sadyang masungit ang kalangitan kung kaya't bigla na lamang bumuhos ang malakas na ulan, dahilan para mabasa ang kanilang mga uniporme na suot at pati ang kanilang bag ay basa na rin.

Isa-isa na silang nakakauwi sa kanilang bahay nang si Simon at si Samuel na lang ang hindi pa nakakarating sa destinasyon. Dahil mas malayo ang bahay ng dalawang magkapatid kumpara sa iba pa nilang kaibigan. Pagdating nila sa kanilang bahay ay agad sinalubong si Simon ng kanyang Ina, habang si Sa