Chapter 58

Mabilis na bumaba si Carnation ng taxi at tumakbo sa loob ng hospital, sa emergency room agad siya itinuro ng nurse sa reception nang itanong niya ang tungkol sa binata. Hindi malaman ni Carnation ang gagawin, nanginginig ang kamay at tuhod niya sa sobrang pag-aalala, sana ay hindi fatal ang kondisyon ni Luca.

Ilang hospital bed na ang tinignan niya, pero hindi nakita ni Carnation ang boss. Tumindi pa ang kaba niya dahil dito, pakiramdam niya ay mababaliw na siya sa pag-aalala, ilang nurse na ang tinanong niya ngunit pare-pareho lang ang sinasabi ng mga ito, sa emergency room daw niya makikita ang hinahanap na binata.

Pagod na siya sa pagtakbo ng matagal at ramdam niyang bibigay na ang tuhod niya, hindi na niya kayang maglakad. Naupo siya sa upuan na nakita sa gilid ng lobby. Hapo at habol ang hininga, nag-angat ng tingin si Carnation nang may nakitang sapatos ng lalaki sa harap niya.

"Hey," sabi nito.

Sumimangot agad siya at sinipa ng malakas ang tuh