Chapter 4

BATID NG ASAWA ni Rina na imposibleng hindi ito makilala ng abugado, ngunit para hindi ito mapahiya ay pinili na lang niyang sakyan. Wala namang mawawala. Isa pa, nabanggit na ng asawa niya ang pakay ni Bethany sa abugado.

“Attorney Gavin Dankworth, ito nga po pala si Bethany Guzman. Kaibigan nitong asawa ko noong nag-aaral pa lang sila sa kolehiyo. Isa siyang talentadong music teacher. Tumutugtog din siya ng iba’t-ibang uri ng mga instrument.”

Maliit na ngumiti si Gavin. 

“Ah, isa pala siyang guro.” usal nitong sinipat ng tingin mula ulo hanggang paa si Bethany.

Hinarap na ni Gavin ang dalaga upang ilahad ang kanyang kamay. Nagdulot iyon ng mahinang komosyon mula sa mga kapwa golfer's nasa paligid nila. Hindi lingid sa mga ito ang tunay na katauhan ni Attorney Gavin Dankworth. Hindi rin maikaila sa kanilang mga mata ang inggit dahil batid nilang ang abugado pala ang ipinunta ng maganda doong maestra ng musika.

“Ang swerte naman ni Attorney, mukhang siya ang dahilan ng pagpunta dito noong magandang babae.” komento ng isa sa mga ‘yun.

Nahihiyang inilibot ni Bethany ang mga mata. Hindi siya sanay sa mga ganung pangyayari kahit pa sabihing isa siyang guro. Pakiramdam niya ay nasa kanya ang lahat ng atensyon. Tinanggap niya ang nakalahad na kamay ni Gavin. Napalunok siya ng maramdaman ang lambot noon.

“Pwede ba kitang tawaging Teacher—”

“Teacher Thanie, iyon na lang ang itawag mo sa akin Attorney.” pagputol dito ni Bethany na napaiwas na ng tingin sa lalake. 

Matapos na marahang pisilin ni Gavin ang kamay niya ay umiwas na siya dito ng paningin. Binitawan naman na iyon ng lalake. Matutunaw siya oras na hindi niya gawin iyon.

“Okay, Teacher Thanie, maaari mo ba akong samahang maglaro?”

Pagkasabi nito ay tumalikod na si Gavin papunta ng playground, na parang hindi niya bibigyan ng pagkakataong makatanggi si Bethany kaya niya ginawa niya iyon. 

Walang pagpipiliang iba, mabagal na sumunod na dito si Bethany matapos na lingunin ang kaibigan niyang si Rina na tumango sa kanya.

Sa bandang likod nila ay naroon si Albert, hawak ang golf club at may mapanuri ng mga mata sa kanila.

Maganda ang mood ni Gavin ng mga sandaling iyon, ni hindi nga ito nagalit ng sabihin ni Bethany na hindi siya marunong maglaro nito. 

“Walang problema. Tuturuan kita.”

Nang sabihin iyon ni Gavin ay mas nagulat pa ang mga nakarinig nito. Bilang lalake ay alam nila kung ano ang ibig sabihin ng attorney na ‘to.

Hindi mapurol ang isip ni Bethany, alam nito kung sino siya. At ang pagpapakita nito ng pagiging close nito sa kanya ay patunay lang na hindi sila close ni Albert.

Sumunod na si Bethany sa gusto ni Gavin, tumayo siya sa harapan nito. Naisip niya na isang paraan iyon upang makuha niya ang loob nito. Umayos na ito ng tayo sa likod niya na para siyang niyayakap. Tila may dumaloy na kuryente sa kanyang balat mula sa lalake nang magdikit iyon. Namula na doon si Bethany. Hindi na mapakali. Namasa na rin ang palad niya sa sobrang kaba dito.

“Teacher Thanie, bigyan mo naman ito ng pansin!” mahinang bulong ni Gavin sa tainga ni Bethany, mainit ang hinga nitong dumapo doon na nagbigay ng kakaibang kiliti. Kung sa malayo rin sila titingnan ay mapagkakamalang magkarelasyon. 

Hinawakan na ni Gavin ang kamay ni Bethany upang gabayan na iyon. Ilang sandali pa, tumira ang lalake. Malakas na nagpalakpakan ang mga kapwa manlalaro na nanonood.

“Whoaaa! Ang galing!”

Namula pa ang mukha ni Bethany lalo na ng lumakas pa ang hiyawan lalo na nang bahagyang humilig ang katawan ni Gavin palapit kay Bethany upang mahinang bumulong.

“Gusto mo bang subukan ulit?”

Pumayag doon si Bethany at sa muli nitong tira ay agad na pumasok ang golf ball sa butas. Muli na namang nagsigawan ang mga manonood. 

Nanginig na ang katawan ni Bethany, ang tanging goal niya ay ang akitin ito pero nagawang manipulahin iyon ni Gavin. Sa halip na ito ang maakita niya, siya ang mas humanga sa galing nito. Hindi lang ito basta matalino, at gwapo. Pagdating sa golf ay talentado rin ang magandang lalakeng abugado. Kung sakali na may gustuhin ang lalake na isang babae, paniguradong 95% noon ay mahuhulog sa kanya. Walang kahirap-hirap na itatapon ang sarili nila mapansin lang ng lalake. Ganun ang karisma ni Gavin. Pero syempre, mataas ang standard nito na mahirap abutin ninuman. Ilang goals pa ang na-score ni Bethany bago nagpasyang tumigil.

Habang intermission, pinili na umupo ni Bethany sa tabi ni Gavin. Hindi siya nito kinakausap, sa halip ang pinapansin nito ay ang ibang mga katabi na kinakausap about sa business o kundi man ay sa mga legal matters na propesyon nito. Sinikap ni Bethany na kunin ang atensyon nito sa pamamagitan ng pagbibigay ng drinks at towels, umaasa na pagbibigyan sa hiling.

Nang makita iyon ni Rina ay lihim siyang napangiti, mukhang may pag-asa pang makuha ng kaibigan niya ang atensyon niya. Nang magkaroon siya ng pagkakataon ay hinila na niya ang kaibigan sa banyo.

“Hindi ko alam na may ganun pa lang side si Attorney Dankworth, Thanie. Ilang beses ko siyang nakita sa mga party at sobrang seryoso niya. Kaya babalaan kita, ingat ka.”

Natatakot si Rina na baka madarang ang kaibigan sa apoy at hindi maiwasang mahulog sa abugado. Masyadong mataas ang status sa lipunan ng lalake, mukhang hindi ito magiging seryoso sa kaibigan niya. Isa pa, nariyan si Albert ang magiging hadlang sa pagitan nila. 

“Nagkukunwari lang ako, alam mo naman kung bakit ko ‘yun ginagawa. Hindi ako ganun katanga para itapon ang sarili ko sa kanya, Rina…”

Nakahinga na ng maluwag si Rina. Palabas na sana ang dalawa ng banyo ng biglang itulak ni Albert ang pinto noon at saka pumasok. Marahas niyang itinulak ang katawan ni Bethany pasandal sa wall ng bathroom habang galit ang mukha. Sa kabila ng pagkagulat ni Rina ay nagawa niyang hilahin ito. 

“Albert, ano bang ginagawa mo?!”

Marahas na tinulak ni Albert si Rina gamit ang isang palad niya hanggang sa makalabas ng pinto. Pagkatapos noon ay sinara niya na ang pintuan at inilagay na ang lock.

“Walanghiya ka, Albert! Buksan mo ang pintuan! Bakla ka ba? Bakit nananakit ka ng babae?!” si Rina, na paulit-ulit na hinampas ang pinto.