The Stolen Romance: 21

Kinabukasan buo na ang desisyon ni Mirabel na tulungan ang kaibigan kaya maaga siyang pumasok sa trabaho kahit na ang oras ng pasok niya ay 9 am pa. Kadalasang 7 am dumarating si Clint sa kompanya kaya sinigurado niyang siya ang mauuna dito.

Napatingin si Mirabel sa relo niya.

"6: 43 pa lang," ani niya.

Mahina niyang nilapag sa upuan ang dalawang kape na hawak niya para linisan ang salamin niya dahil sa usok na napunta dito galing sa kape.

Nang maibalik niya ang salamin ay agad niyang nilibot ang paningin sa paligid.

Wala pang gaanong tao ang dumarating dahil maaga pa.

Napayakap siya sa mga braso niya ng biglang malakas na malamig na hangin ang umihip sa kinauupuan niya.

"Ang lamig pala talaga kapag ganito kaaga. Kaya ayaw kong maaga pumasok, e. Pero para kay Morissa matitiis ko itong maliit na sakripisyo na ito bilang bawi man lang sa pag papapasok niya sa akin sa malaking kompanya na ito."

Napabuntong hininga na lang siya at nakikita niyang buo ng nakalabas ang sikat ng araw k