Chapter XIX

Hindi mapakali si Fauvine, matapos kasi nilang sabihin sa mga magulang niya, mga kaibigan at mga malalapit sa kanila ay hindi pa nila nababanggit ang plano nila ni Clement na magpakasal sa Daddy nito. Alam niyang tutol ito pero handa na siyang harapin ito alang-alang na din sa anak niya.

Sa kasalukuyan binabagtas nila ang daan patungo sa school ni Chloe. Gustong siyang ipakilala ni Clement sa bata.

“My treasure trove, are you alright?” nag-aalalang tanong ni Clement sa kaniya.

“Yes, I’m fine, napagod lang siguro ako,”

“Tingin mo tutuloy pa ba tayo o bukas na lang?”

“Of course, excited din naman akong makilala si Chloe. I’ll rest later,” sabi niya at nginitian ito.

Ang totoo kinakabahan siya sa kung ano ang magiging reaksyon ng bata sa kaniya.

Ilang saglit pa bago sila tumigil sa tapat ng school ni Chloe. “I’ll pick her up. Wait us here,” paalam pa ni Clement sa kaniya bago lumabas sa sasakyan.

Huminga siya ng malalim ng matanaw niya ng pabalik si Clement at kasama na nito si Chloe.