Chapter XVII

Kinakabahan si Fauvine sa hindi malamang dahilan habang palabas sila ng ospital. Sinamahan siya ni Mathilde para sabay nilang malaman kung ano ang kasarian ng kaniyang anak.

Sa Manila kasi siya unang nagpacheck-up kaya tinuloy-tuloy niya na. Isa din sa dahilan ay nababaitan siya sa doktorang tumitingin sa kaniya at sa katunayan kaclose niya na ito ngayon.

Isang buwan na din ng huli silang nagkita ni Clement, pero araw-araw naman ito nagpapadala ng bulaklak, pagkain at kung anu-ano pa. Araw-araw din siya nitong tinatawagan para kumustahin ang araw niya. Pero hindi niya alam kung bakit hindi ito bumibisita man lang sa kanila.

“May naisip ka na bang pangalan ng baby mo?” biglang tanong ni Mathilde.

“Parang gusto kong isunod kay Mamita Flor, pero gusto ko Floryn, para Flor rin,” natatawang sagot niya sa kaibigan.

“Ang corny mo, Fau,” sagot ni Mathilde na inirapan pa siya.

“Hoy! Maganda naman ang Floryn ah. Pero pag-iisipan ko pa kung lalagyan ko ng second name, ayoko kasing napakahaba ng