Chapter 51

Napansin ni Anastacia na titig na titig sa kanya si King.

Isa ito sa masasabi ni Anastacia na nagbago rito.

Hindi ito palatitig nang ganoon kaseryoso, ngayon kasi ay tila ginagalugad na nito ang kanyang pagkatao.

Nagsasalo sila sa tsa’a  dahil wala naman siyang maibibigay na bloodwine dito.

Naiilang si Anastacia dahil baka mayroon itong ‘di nagugustuhan sa kanyang mukha.

“Kailan tayo nagkakilala?” tanong nito.

Napakurap si Anastacia, natuwa sa narinig na tanong nito. “Noong nine years old ako, binili ako ng magulang mo para maging personal maid servant mo. No’ng unang kita ko sa ‘yo natakot ako dahil baka saktan mo ‘ko, pero hindi pala, naging mabait ka sa ‘kin, dahil mabait ka sa ‘kin, lahat din sa paligid ko no’n ay naging mabuti sa ‘kin. Hindi ako nakapag-aral kaya nagtiyaga kang turuan akong bumasa at sumulat. Madalas mo rin akong kinukuwentuhan tungkol sa nangy