Chapter 55

Kung saan-saan kami nagsusuot-suot ni Arisa, kailangan naming makahanap nang gumagawa ng sandata. Nagtatanong-tanong na rin kami at madalas ang itinuturo nila ay ang mga panday raw dito sa bahaging ‘to malapit sa isang circus, pero sarado pa sila sa mga oras na ‘to. Pero iyong mga kubol na malapit naman dito ang pakay namin dahil sa mga manggagawa ng sandata.

“Sa tingin mo ba ay epektibong Vampire weapon ang makukuha natin?” tanong ni Arisa.

“Puwede naman nating ipagawang Vampire Weapon ang makukuha nating sandata. Pinakamahalaga iyong magkaroon lang tayo nang matibay na sandata. Marami na rin nagsasabi sa ‘tin na dito tayo makakakapagpagawa ng magandang kalidad ng sandata dahil talagang mga blacksmith na sinauna ang mga paraan nang paggawa rito.”

Pumasok na kami sa isang kubol.

“Magandang hapon,” bati ko sa loob.

Isang malaking lalaki ‘yon na putok na putok ang katawan at mukhang talagang