Chapter 56

“Ano sa palagay ninyo, maayos ba ang sandata?” tanong ni Ajax sa dalawang babae.

“Excited na ‘kong makita ang finish product!” Natutuwang sabi ni Arisa.

“Tamang-tama ang napili mo para sa ‘yo, hindi ka mahihirapan makipaglaban dahil sakto lamang sa bigat ng iyong pangangatawan. Iyon naman ang pinakamahalaga, iyong magamit mo ang sandata mo kesa maging isang display lamang,” sabi ni Ajax kay Arisa.

Nangiti naman si Arisa sa naging papuri nito.

“Ikaw naman, medyo malakas ang gusto mong sandata. Pero sa tingin ko ay hindi mo naman ito pipiliin kung alam mong hindi mo kakayanin, hindi ba? Mag-ingat ka lang dahil ito ay double bladed sword, ang ganito ay nakasusugat sa kalaban at maging sa mismong humahawak.”

Nauunawaan naman ni Anastacia ‘yon, gusto talaga niya nang makapangyarihang sandata na hindi basta-basta mapuputol sa laban.

“Mabuti pa ay magkape muna tay