Chapter 78

Napansin namin na ang Constancia ay tila may nagaganap na malaking piging, pista marahil? Pero kompara sa ibang pista, mukhang prosesyon lamang ito at ang mga tao ay nasa labas lahat.

Ang mga taga-Constancia ay may kayumangging balat, pero mayroon din namang mapuputi, pero mas kilala sila sa pagiging kayumanggi ang balat.

Hindi kami tumungo sa pinaka-capital kung saan patungo ang mahabang prosesyon. Sa ibang direksiyon kami pumunta. Mayroong mga nagtitinda katulad noon sa pistang napuntahan namin kaya nakakatuwang maglakad-lakad. Pero hindi ko alam kung bakit may pakiramdam na malamig o hindi masaya ang buong paligid kompara sa nakaraang pinuntahan ko.

Ipinagpapasalamat ko na hawak ako ni King, dahil kung hindi baka nagkahiwalay kami. Marami kasing tao, gitgitan na rin sa pamilihan, maraming mga sinasabi na sa sobrang dami hindi na halos maintindihan pa. Mainit sa lugar kaya medyo hindi ako sanay.

Pero unti-unti ring lumuwag nang makalayo kami.

Mar