Chapter 87.2

“Kumusta ka na? Maayos ka lang ba?” nag-aalalang tanong ni Krizelle kay King. “May nararamdaman ka bang kakaiba? Para masabi natin kaagad kung mayroon.”

Umiling si King. Tinatamad lamang talaga siyang magsalita.

Umiiling lang siya’t tumatagos ang paningin dito. Hindi niya maramdaman dito ‘yong pagmamahal na sinasabi nito at gusto nitong ipapaniwala sa kanya. Normal ba ‘yong wala talaga siyang maramdaman?

Iniiwasan niya ring magsasalita, hindi niya alam kung may kakampi ba siya sa lugar na ‘yon o wala. Kailangan muna niya ng kompirmasyon sa mga kapatid kung sino ang babaeng kanyang kasama.

Paminsan-minsan kumikirot ang buo niyang katawan, masakit na masakit at tila nilalamutak ang pakiramdam ng kanyang laman.

Pero ang pag-aalaga’t pananatili ni Kristelle ay nagbibigay sa kanya ng pakiramdam na baka nga mayroon silang espesyal na relasyon at hindi lamang niya ‘yon talaga maramd