KABANATA 40

"Isang linggo lang, Delton. Gusto ko lang makita sila Mommy," pilit ko habang pilit sinasabayan ang mabilis niyang lakad papasok sa law firm.

"It's a no, Savvy. Still a no," matatag niyang pagtanggi.

Bagsak ang balikat na tumigil ako sa paglalakad at hinayaan siyang mauna na sa loob ng firm.

Hindi ko maiwasang malungkot na tatanggi siya. Kanina pa sa sasakyan, nagalit na siya at talagang ayaw akong pakinggan. Hindi ko maintidihan ang inaakto niya dahil sa pagkaka-alala ko, siya pa ang naghatid sa akin noon sa mansyon. Ngunit ngayon ayaw niya.

Nagsalubong ang kilay ko nang hindi man lang siya tumigil sa pagpasok sa elevator, tila hindi nito alintana na wala ako sa tabi niya.

"Ma'am, pumasok na po kayo. Mainit na po sa labas," ani ng guwardiya sa akin.

Bumuntong hininga ako at agad na umiling, "Hindi na po, Kuya. Uhm, magpapahangin lang po muna ako." Ngumiti ako nang maliit bago tumalikod.

Bahala na si Delton na maghanap sa akin. Magsis