Chapter 6

Masuwerte pa rin si Elmo dahil hindi siya nahuli ng mga pulis matapos siyang habulin nito. Nailigaw niya ang mga pulis kaya hindi siya nahuli nito. Wala namang ibang rason kung bakit siya hinahabol ng mga pulis dahil 'yon sa ninakaw niya ang pera na hindi naman sa kanya na pagmamay-ari ng dalawang mag-asawa na umampon sa kanya.

Galit na galit sa kanya ang mag-asawa na sina Evelyn at Alfred dahil sa ginawa niyang 'yon. Wala raw siyang utang na loob dahil sa ginawa niyang 'yon. Kung iisipin talaga ay wala talaga siyang utang na loob dahil sa ginawa niyang 'yon na imbis na magpasalamat siya dahil binigyan siya ng magandang buhay ngunit 'yon pa ang ginanti niya.

Masama ang ginawang 'yon niya na nakawin ang perang hindi naman talaga para sa kanya. Wanted na tuloy siya ng mga kapulisan dahil sa ginawa niyang 'yon. Wala na nga siya sa mansion kung saan maganda ang buhay niya ay wala pa siyang nadala na pera. Binalikan niya kinagabihan ang perang ninakaw niya mula sa mag-asawa na umampon siya ngunit wala na ito doon.

Labis ang kanyang panghihinayang sa pagkawala ng perang 'yon. Hindi na sana siya maghihirap pa sa buhay ngunit mukhang makakaranas siya ng paghihirap ngayon dahil hindi siya nagtagumpay sa plano niya. Hindi na rin siya puwedeng bumalik pa sa dalawang mag-asawa na umampon sa kanya dahil sigurado na ipakukulong siya nito. Ayaw naman mangyari 'yon ni Elmo. Baka mabulok siya sa kulungan kapag nangyari 'yon. Wala pa namang magpi-piyensa sa kanya kung sakali man nga na makulong siya. Mabuti kung mayaman rin ang kanyang ina na si Rosalina.

Umalis kaagad si Elmo doon sa palengke kung saan niya iniwan ang pera na ninakaw niya na gagamitin sana niya sa pagbabagong buhay kasama ang tunay niyang ina. Hindi siya puwedeng magtagal pa doon dahil baka makita pa siya ng mga pulis doon.

Habang naglalakad siya patungo sa bahay ng tunay niyang ina ay napapamura siya sa panghihinayang sa pagkawala ng perang ninakaw niya. Wala na siyang magagawa pa kundi ang tanggapin na lang na wala na ito. Hindi naman niya mababawi pa ang perang 'yon dahil hindi nga niya alam kung sino ang nakakuha.

"Nakuha mo ba ang pera?" tanong kaagad ng kanyang ina na si Rosalina pagkarating niya sa bahay nito. Nakabusangot siya sa harapan nito.

"Hindi po. Hindi ko na po nakuha pa ang pera," malungkot na sagot niya sa kanyang ina na nanlalaki ang mga mata.

"A-Ano? Ano'ng sinabi mo? Hindi mo nakuha ang pera? Sigurado ka ba sa sinasabi mo, anak?" tanong nito sa kanya.

He slowly nods his head and said, "Opo. Hindi ko po nakuha pa ang pera. Wala na po ito ng balikan ko kanina. May nakakuha na pong iba ng pera kaya wala na po akong habol pa doon. Hindi ko naman mababawi pa ito sapagkat hindi ko naman alam kung sino ang nakakuha ng perang 'yon. Wala na po talaga ito. Nawala na lang ng bigla ang lahat."

"O, talaga ba? Naku! Sayang naman, anak. Wala ka tuloy nakuhang pera sa pag-alis mo sa mag-asawang 'yon. Sayang, anak. Hindi mo ba hinanap doon sa palengke? Baka nandoon pa," tanong pa ng kanyang ina sa kanya.

"Opo. Wala na po talaga ito. Kahit hanapin ko pa po ito doon sa palengke ay hindi ko na makikita pa ito. Wala na po 'yon doon at sigurado ako. Kung nandoon pa sana 'yon ay dapat nandoon pa 'yon kung saan ko iniwan 'yon. Pera po 'yon at talagang marami ang magkaka-interes na kunin 'yon lalo na kung mahirap lang naman. Hindi na rin ako nagtagal pa doon dahil baka makita ako ng mga pulis at hulihin pa ako. Ayaw ko po na makulong," paliwanag na sagot ni Elmo sa ina niya.

Tumango naman nga ito pagkasabi niya. Nanghihinayang rin talaga ang ina ni Elmo na si Rosalina dahil sa pagkawala ng perang kinuha nito. Wala rin siyang makukuhang pera mula sa anak niya dahil wala itong nadala sa kanila.

"Kung ganoon lang naman pala ang mangyayari ay hindi mo na dapat iniwan pa ang perang 'yon kung saan mo ito iniwan para hindi na nawala pa. Bakit mo pa kasi iniwan 'yon doon? Wala ka tuloy napala sa pag-alis mo sa kanila," sabi ng ina niya sa kanya na sinisisi tuloy siya sa nangyaring 'yon na pagkawala ng perang kinuha niya sa mag-asawa na umampon sa kanya.

Napakunot-noo si Elmo sa sinabing 'yon sa kanya ng ina niya. Sinisisi pa talaga siya nito. Hindi niya gusto ang naririnig niya mula dito.

"Sinisisi mo pa po talaga ako sa nangyaring 'yon? Hindi ko naman alam na mangyayari 'yon, eh. Kaya ko po iniwan muna 'yon doon para makatakbo ako ng mabilis at kapag hindi ko binilisan pa ang pagtakbo ko ay sigurado ako na mahuhuli nila ako. Bago mo po ako sisihin ay intindihin mo naman ang sitwasyon ko kung bakit nagawa ko 'yon na iwan muna ang pera na babalikan ko naman nga pagkatapos," napipikon na sagot ni Elmo sa ina niya. Napangiwi ito sa sinabi niyang 'yon.

"Imbis na pagaanin mo po ang loob ko dahil sa nangyaring 'yon ay mas lalo mo pa pong pinapabigat at pinapalala dahil sa paninisi mo po sa akin. Hindi po ako natutuwa sa paninisi mo pong 'yon sa akin. Kung iisipin nga po ay ikaw po ang dapat kong sisihin dito, eh. Hindi ko naman talaga gagawin ang lahat ng 'to kung hindi mo ako sinusulsulan na gawin 'yon. Gusto ko pong gawin pero kung hindi naman po dahil sa 'yo ay hindi ko naman talaga seseryosuhin dahil sa wala po akong mapupuntahan kung sakali man nga na umalis ako sa kanila," sarkastikong sagot ni Elmo sa ina niya. "Siguro kung hindi ako masyadong nakinig sa 'yo ay baka hindi po 'to nangyari. Kung alam ko lang na ganito ang mangyayari ay hindi na dapat ako umalis sa amin kahit gusto ko nga na umalis. Mas gugustuhin ko na magtiyaga sa kanila at least hindi ako maghihirap sa buhay. Ano na po ang naghihintay sa akin ngayon na wala na ako sa kanila? Wala na rin ang perang kinuha ko? Walang ibang mangyayari nito sa buhay ko kundi ang maghirap po ako kagaya n'yo. Maghihirap na ako nito na ayaw ko naman na sanang maranasan pa. Hindi ako maghihirap kung hindi dahil sa inyo, eh. Hindi na dapat ako nakinig pa sa sinasabi mo sa akin. Ito tuloy ang napala ko. Maghihirap ako kagaya n'yo at isa pa ay makukulong ako dahil wanted ako ng mga kapulisan."

Tinalikuran ni Elmo ang kanyang ina matapos niyang sabihin 'yon dito. Sumama na tuloy ang loob niya dahil sa sinisisi siya nito. Pumasok siya sa bahay ng ina niya kung saan makakasama niya ang mga kapatid niya sa ina. Nagkulong siya sa maliit na kuwarto na 'yon. Kung hindi lang siya nagpipigil ng kanyang sarili ay baka nagwala na siya. Manghinayang man nga sila ay wala na silang magagawa pa kundi tanggapin na wala na. Hindi nagtagumpay ang plano nilang mag-ina lalo na si Elmo.