CHAPTER 10: PARUSA

Marami pa ang sumunod na lumaban hanggang sa dumating na ang oras ni Seina.

Pumunta na si Seina sa gitna, pinalabas rin niya ang Golden Chain niyang sandata, tinago niya pala ito kanina. Yung katulad ng pagtago ko sa pana ko na pinapalabas lang pagkailangan lang.

Kaharap niya na ngayon ang makakalaban niya. Isa ring babae tulad niya, at ang sandata nito ay isang dagger? Ano naman kaya ang kakayahan ng sandatang yan?

Pumusisyon ang kalaban ni Seina at itinutok ang punyal sa kanya. Nagulat naman ang karamihan dahil sa biglang may mga punyal na lumutang papunta kay Seina at napakarami nito. Napansin ko namang kampante lang si Seina at gumalaw narin siya at pinaikot-ikot sa ere yung kadena niya at nagpaikot-ikot ito sa katawan niya at sinasangga nito ang mga punyal na umaataki sa kanya. Itinaas niya ang kamay niya, napansin ko ang paghaba ng dulo ng kadena niya na pumulupot sa katawan ng kalaban niya at bigla itong hinagis at kasabay ng pagbagsak ng kalaban niya ang pagbagsak rin ng mga