CHAPTER 3: PAGPASOK SA SHANYA

"Marami kasi akong alam tungkol dun eh. Sige ah, matulog na tayo, inaantok na ako eh." Pagputol ko sa usapan.

Kinabukasan....

Nagising ako tanaw ang magandang paligid, nasa medyo mataas na parte kasi kami na lugar at makikita ang magandang tanawin sa baba. May mga kabahayan sa baba na medyo malayo layo ang pagitan sa isa't isa at makikita talaga na maayos ang samahan ng mga tao dito sa bayang ito. Napakalinis kasi ng paligid at napakapayapa tingnan.

"Napakapayapa talaga ng bayan ng Seran. Tara na, nasa dulo ng bayang ito ang paaralan ng Shanya." Sabi ni Kyer.

Napansin niya rin pala ang kagandahan ng bayan nato at Seran pala ang tawag dito. Marami ng talaga akong hindi alam sa Ashanya. Binuhat niya na ang mga dala niyang gamit at naunang maglakad, natawa nalang ako ng bigla siyang napaatras ng bahagya dahil sa harang na inilagay ko kagabi, hindi ko pa kasi yun natatanggal.

"Pasensiya ka na, nakalimutan kong tanggalin ang harang." Sabi ko sa kanya habang natatawa ng kaunti. Tinanggal ko na ang Barrier na ginawa ko at nagsimula na kaming maglakad.

"Okay lang yun, haha! Marunong karin palang tumawa, masyado ka kasing seryoso mula kahapon eh." Sagot niya naman at ngulat naman ako dun sa sinabi niya.

Hindi na ako sumagot at nginitian ko nalang siya. Hindi ako nakaramdam ng saya nong nandon pa ako sa palasyo kaya siguro masyado akong seryoso tingnan. Pero ngayon sa maliit na bagay lang nagagawa ko nang tumawa.

Binalot ako ng kalungkutan noong nandon pa ako sa palasyo at ngayong nasa labas na ako sa tingin ko ay may karapatan rin akong maging masaya. Habang nilalakbay namin ang daan papunta sa Shanya ay sinasabayan rin ito ng kwento ni Kyer. Marami siyang sinabi sakin tungkol sa Hanya. Libre daw doon ang pagkain at tirahan at alam ko na rin yun kaya nga ako pumayag na sumama sa kanya.

Dalawang estudyante sa isang dorm ang titira, isang defence magician at isang offence magician. Nahahati daw kasi sa dalawang pangkat ang mga estudyante doon at nabibilang daw sa offence team yung mga estudyante na pang atake ang kapangyarihan, tulad ng elemental user, weapon builder at marami pang iba tulad ni Kyer na isang Beast Summoner at ni ate na isang Mind Manipulator.

Sa defence team daw nabibilang ang mga healer, mind reader, seer, portal maker at iba pa. Sa defence din daw ako nabibilang, tama naman siya kasi isa akong Barrier Builder at kung pagbabasehan talaga ang kakayahan ko ay doon talaga ako nababagay kahit na kaya ko rin iyong gamitin sa opensa.

Sa tingin ko ang pagpapangkat sa kakayahan ng mga estudyante ay nakabase sa kung saan nakatutok ang kapangyarihan nila, tulad nalang ng mga elemental user na pwedeng pang opensa at depensa ang kapangyarihan pero dahil mas malaki ang kakayahan nitong gamitin sa pang atake kaya sa offence team sila nilagay.

Biglang tumigil si Kyer kaya napatigil rin ako. Nasa harap kami ng napakataas na pader, lumingon lingon kami at may nakita kaming ibang mga taong pumapasok doon sa di kalayuan sa kinalalagyan namin at sa tingin namin ay nandoon ang tarangkahan ng paaralang ito.

Pumunta kami doon at nakisabay sa iba. Pumasok kami sa loob at sa unahan ay may nagbabantay na dalawang babae na medyo may edad na. Sumabay kami sa linya sa unahan. Isa-isang tinatanong at pinapasulat ng isa sa dalawang babaeng may edad na ng pangalan at kanilang kakayahan ang mga pumapasok, isa isa silang nagpapakita ng kakayahan nila patunay na totoo ang kakayahan na isinulat nila.

Dumideritso yung mga tapos na sa isa pang babae na may hawak na bolang kristal, hinahawakan nila ito at sa tingin ko doon sinusukat ang kakayahan nila kong pasado ba sila o hindi.

Si Kyer na ang nagsusulat at pinalabas niya si Agile, yung agila na sinummon niya sa kakahuyan. Namangha ang iba sa kakayahan niya.

Ako na ang sumunod, sinulat ko na yung pangalan at gumawa ng isang simpleng barrier, inataki yun ng babaeng nagtatanong samin gamit ang isang ice dagger at nasangga iyon ng barrier na ginawa ko.

Lahat ng may kakayahan sa defence ay tinetest nila tulad sa mind reader kanina na pinahulaan ang iniisip ng kasunod niya, napahiya yung kasunod niya kasiiniisip noto kong dito niya raw ba makikita ang magiging asawa niya kaya madami tuloy natawa.

Sa ayun nga matapos kong masangga ying ice dagger ay dumireritso nako sa bolang kristal ngunit nadinig ko parin ang sabi ng isa sa likuran ko na napakacommon na raw ng kakayahan ko at sa tingin niya raw ay hindi ako makakapasa sa pamantayan gamit ang bolang kristal, hindi ko nalang pinansin ang sinabi niya.

May tiwala ako sa kakayahan ko kaya alam kong papasa ako. Hinawakan ko na ang bolang kristal at nagpalabas ng sapat na pwersa para umilaw ito, dapat daw kasi na umilaw ito para makapasa ka sa kanilang pamantayan.

"Pasado." Sabi nong babaeng may hawak ng bolang kristal.

"Pinalabas mo ba lahat ng kapangyarihan mo?" Dugtong niyang tanong sakin.

Nagtaka siguro siya kasi madali ko lang na napailaw ang kristal kumpara sa mga naunang estudyanteng pumasok.

"Opo." Magalang kong sagot.

Sa totoo lang wala pa sa kalahati ang pwersa ginamit ko kanina. Ayokong magpakitang gilas kaya kinontrol ko yung sarili ko. Kailangan kong itago na hasa na ako sa paggamit ng magika ko hanggat maaari, sa tingin ko kasi yun yung mas nakabubuti para sakin.

Dumiretso na ako kung saan naka line up ang mga naunang estudyante kanina, nakapasa kasi lahat ng nauna, pinaghandaan talaga siguro nila ang araw nato at sa tingin ko pati narin yung mga nasa huli.

Hinanap ko si Kyer at nakita ko siya sa may bandang likuran kaya doon narin ako pumunta. Habang papunta ako sa pwesto niya ay napalingon siya sa akin at napangiti.

"Kamusta? nahirapan ka bang pailawin yung bolang kristal? ako kasi nahirapan eh." Bungad na tanong niya pagkarating ko sa pwesto niya.

Nakita ko nga kanina na medyo natagalan siya sa pagpapailaw ng kristal.

"Ah, medyo. Mabuti nga nakapasa ako." Pagsisinungaling kong sagot.

Ayoko namang magtaka siya na madali ko lang nagawa ang pagpapailaw sa bolang kristal.

"Hello, pwedeng tumabi dito sa inyo?" Tanong nang bagong dating na babae.

Kung titingnan mukha siyang manika sa itsura niya, mapapansin kasi talaga ang mahahabang pilikmata niya at yung kulay ng buhok niya ay kakulay ng buhok ni Kyer. Naisip ko tuloy na bagay silang dalawa.

"Pwede naman, ako nga pala si Kyer isang Beast Summoner" Sagot niya doon sa babae at nakipagkamay siya at tinanggap rin ito ng babae.

Napaatras tuloy ako ng isang hakbang kasi napagitnaan nila ako.

"At siya naman si Shun, isang Barrier Builder. pagpapakilala niya rin sakin." Hindi parin sila nagbibitaw ng kamay kaya ngitian ko nalang yung babae.

"Ako naman si Seina, isang seer. Kaso hindi pako masyadong hasa sa paggamit ng kakayahan ko, pero okay lang yun kasi alam kong mag iimprove din ako dito sa Shanya." Pagpapakila niya.

Isa siyang Seer, mahuhulaan niya ang mangyayari, makikita niya ang hinaharap at kaya nya ring ipakita ang gusto mong makita ang kaso ang sabi niya hindi pa siya hasa sa kakayahan niya kaya sa tingin ko limitado palang ang kaya nyang gawin gamit ang kakayahan niya.

Nagbitaw na sina Kyer at Seina ng kamay, nasa harapan na kasi namin yung dalawang babae kanina na medyo may edad na at may kasama silang isang Lalaki na sa tingin ko kasing edad rin nila.

"Magandang araw sa inyo mga bagong estudyante ng Shanya, binabati ko kayo dahil naipasa niyo ang pamantayan ng paaralang ito. Ako ang Headmaster ng paaralang ito at ang dalawang kasama ko ilan lang sa guro na magsasanay sa inyo habang kayo ay nag aaral dito. Itong sa kaliwa ko ay si Propesora Lily, at siya ang magiging adviser ninyong first year na nasa Defence Team at itong sa kanan naman ay ay si Propesora Viky sa Offence team naman siya." Pagpapakilala at paliwanag niya.

"Ngayong taon ay medyo marami rami ang nasa defence team kaya may iilan sa mga nasa defence team na magkapareho ng dorm. Ang numero ng dorm niyo ay makikita sa mga palad niyo." Dagdag ng headmaster.

Nakita ko nga ang numero ng dorm sa palad ko, no. 23, kung ganon isang Projectionist ang headmaster ng Shanya. Nakakatakot ang kakayahan niya, kaya niyang ipakita sa harap mo ang sarili mong kamatayan, nabibilang ang kakayahan niya sa opensa.

Ang kakayahan niya ay parang gumagawa lang ng ilusyon ngunit nagiging reyalidad ito sa ginamitan niya kasi ang prinoject niyang pangyayari ay mangyayari talaga sa reyalidad.

"Hi po, dorm no. 23 ka rin ba? tayo nalang po kasi ang walang pares." Tanong nong bata.

Tagaleeg ko lang siya at halatang bata pa, siguro nasa 15 palang ang edad, may pagkagoldish ang buhok niya at mayroon siyang singkit na mga mata ang cute ng binatilyong to. Hindi ko akalain na tumatanggap ang Shanya ng mga ganito kabata.

"Ah, Oo. kung ganon ikaw ang makakasama ko sa dorm." Sagot ko sa kanya.

"Anong pangalan mo at ilang taon kana bata?" Dagdag kong tanong.

"Lesther po, 15 na po ako, at isa po akong healer." May paggalang na sagot nang bata.

Tama nga ang hula ko sa edad niya. Isa siyang healer, kung ganon nasa defense team din sya kagaya ko.

"Ah, kung ganon ako naman si kuya mo Shun, mas matanda ako sayo nang tatlong taon kaya tawagin mo kong kuya, okay? nga pala, pareho tayong nasa defence team dahil isa akong barrier builder." Mahabang saad ko

Napakaamo ng mukha ng batang ito kaya naman sa tingin ko ay magiging close kami sa isat isa.

"Sige kuya Shun." Maikling sagot niya.