CHAPTER 13

     ISINARA ni Luke ang pinto ng silid ni Tanya bago nagpasyang tulungan si Logan sa pagdidiskarga ng gamit. Si Miley ay naghahanda ng maiinom sa kusina. Noong magprisinta ito, halos ikatakot pa ni Luke ang kung anong puwede nitong ilagay sa kaniyang inumin. 'Lalasunin niya kaya ako?' Sa huli, mas pinili ni Luke na ilipat sa silid ang mga batang nakatulog na habang nasa biyahe.

Natatawa siya habang iniisip na mas napagod pa ang mga ito sa pag-upo kaysa sa mismong nagmaneho ng sasakyan. Aminadong napaka-boring ng biyahe lalo pa at ang nagsasalita lamang sa buong panahon na iyon ay si Miley. Kung saang lugar na ito napunta, kung sino-sinong malalaking tao ang nakilala nito at ang laki ng perang nakuha niya dahil sa pagsisikap.

Hindi kontra si Luke sa kasiyahan ng iba. Lalo na kung hard-earned iyon. Kaya niyang matuwa para sa kanila subalit hindi niya maiwasang mainis tuwing ikinukumpara siya rito.

“It's really good. Imagine seeing Senator Rosales up c