Chapter 1

"Where is she?" galit na tanong ni Xavier sa kaniyang tauhan.

"Sir, sorry pero hindi na namin siya naabutan at nagawa niyang tumalon sa mataas na bakod." Kabadong sagot ni Leo sa kanilang pinuno.

"Fuck!" Galit na sinuntok ni Xavier ang isa sa tauhan na tahimik lang nakatayo sa isang tabi. "Huwag kayong tumigil hangga't hindi siya nahahanap!" Bulyaw niya kay Leo, kasama ang apat na naroon pa.

"Ano po ang gagawin namin kapag nahuli siya ,boss?" tanong ni Alex, isa rin sa pinagkakatiwalaang tao ni Xaview.

"Buhay po ba namin siyang ihaharap sa inyo boss or patay?" tanong ng isa pa.

Nanlaki ang mga ni Leo dahil sa tanong ng isa sa kasama. Naipikit na lang niya ang mga mata nang biglang bunutin ng boss nila ang baril na nasa tagiliran niya at itinutok iyon sa nagtanong. Sa dami naman kasing itanong ay bakit ganoon? Hindi ba nakikita o alam ng kasama na kinababaliwan ng amo nila ang babaeng iyon?

"You son of a bitch, gustong mong una kitang itumba?" Nanlilisik ang mga mata ni Xavier dahil sa galit habang natutok ang dulo ng baril sa sintido ng lalaki.

"So-sorry po, sir, hindi na mauulit. Ang akala ko po kasi ay kalaban ang babaeng iyon at may ginawang hindi maganda sa inyo." Nanginginig ang mga kamay ni Lucio habang nakataas iyon.

"Pinahahanap ko siya pero huwag kayong magkamaling galusan kahit kaunti ang balat niya, maliwanag?" Bulyaw ni Xavier sa mga ito.

"Yes, po boss!" Sabay na sagot ng lima.

"Umalis na kayo sa harapan ko!" Galit pa ring pagtataboy ni Xavier sa lima.

Halos mag unahan sa paglabas sa pinto ang lima sa takot na iputok ng amo ang hawak na baril. Nang maisara na ang pinto ay binatukan ni Leo si Lucio.

"Gumaya na rin si Alex at muntik na siya madamay at minura si Lucio. "Gago ka, nakita mo nang tinamaan na ng lintik na pana ng kupido ang boss natin sa babaeng iyon tapos ganoon ang tanong mo?"

"Hindi kaya ginayuma ng babaing iyon si Boss?" sabat ng isa pa sa kasama nila.

Sandaling tumigil silang lima sa tagong lugar at nagbulungan. Napaisip din si Leo, ang boss kasi nila maraming naging babae pero never nilang nakitang dinala sa silid nito. Isa pa ay kahapon lang nagtagpo ang landas ng boss nila at ng babaing nakilala ng amo nila sa isang event. Hindi niya kayang isipin na love at first sight ang boss sa babae. Wala kasi sa bukabularyo ng binata iyon.

"Hindi na kailangan ng babaeng iyon ang gayuma para makuha si boss. Kita niyo naman ang gandang katawan at mukha niya, para siyang diwatang naligaw dito sa lupa." Napatingala pa si Alex habang nagsasalita.

"Tama na nga pag uusap nating ito at baka marinig ka ni Boss, isipin pa niyon ay pinagnanasaan natin ang babae niya." Saway ni Leo sa mga kaibigan saka nagpatiuna na sa paglalakad. Mabilis namang sumunod sa kaniya ang apat pa.

Sa silid, naligo muli si Xavier at nag iiba ang pakiramdam niya sa tuwing naaalala ang p********k ng babaing kahit pangalan ay hindi niya nakuha. Wala pang babae ang nakagawa nito sa kaniya na matapos ang sex ay tinakasan siya.

Pagtapat niya sa dutsa ay agad binuksan iyon, pero hindi kayang hupain ng malamig na tubig ang init na nadarama sa katawan dahil sa pag iisip sa babaing iyon. Sa sunod na makita niya ang babae ay posasan niya upang kahit makatulog siya ay hindi ito makatakas.

"Uhm... fuck!" Ilang beses pang napamura si Xavier habang hawak ang sarili upang mailabas ang namumuong init sa katawan.

Mariing naipikit niya ang mga mata at binalikan sa alaala ang ungol ng babaeng nakaniig kagabi at kung paano siya nito baliwin. Alam niyang virgin ang babae nang makuha niya ito pero hindi ito nag demand, at iyon ang isa sa dahilan kung bakit siya nagagalit sa pag alis nito habang natutulog siya.

"Who's better in bed, me or your fiancee?"

Napamulat si Xavier matapos maalala ang tanong sa kaniya ng babae kagabi habang nagtatalik sa ikalawang pagkakataon. "Kilala niya ako?"

Naihilamos ni Xavier ang palad sa sariling mukha at nahulog sa malalim na pag iisip. Virgin ang babae at kilala kung sino ang fiancee niya. May clue na siya ngayon kung saan maaring mahanap ang babae. Dali dali niyang tinapos ang paliligo at nagbihis upang makaalis.

Kung hindi dahil sa babae ay muntik na niyang makalimutan na may fiancee siya. Nakita lang niya minsan ang fiancee na si Shane noong ipagkasundo siya ng abuelo sa pamilyang iyon. Hindi siya pumayag pero naikalat na siya ang fiancee ng babae. Wala sana siyang balak nang magkaroon ng ugnayan sa pamilyang iyon. Pero ngayon ay may dahilan na siya at kailangan malaman kung sino ang babaeng nangahas na takasan siya matapos ang mainit na tagpo sa pagitan nila.

Pagkalabas sa bakuran ay napatingin si Xavier sa bakod. Lampas tao iyon kaya hindi iyon maakyat at matalon ng simpleng babae lamang. Lalong nagka interest siya sa babae dahil sa mga natutuklasan dito. Sa ibang bansa siya lumaki kaya wala siya gaanong kilala sa lugar na ito, maliban sa mga kilalang negosyante at kalaban.

"Sir, saan po tayo?" magalang na tanong ni Leo sa amo saka pinagbuksan ito ng pinto. Sina Alex lang ang umalis kanina upang maghanap sa babae at siya ay nagpaiwan para sa amo nila. Siya kasi ang driver nito kapag umaalis.

"Sa Villa ng mga Lactan." Maiksing sagot ni Xavier saka ipinikit ang mga mata.

Tahimik nang nagmaneho si Leo at alam niya ang lugar na pupuntahan nila. Pagdating nila sa malaking bahay ay agad silang sinalubong ng mag asawa at sabik na nangamusta sa amo niya. Nalaman ng mga ito dumating sila dahil sa tawag ng bantay sa gate.

"Hijo, bakit hindi ka nagpasabi na dadalaw ka sa iyong fiancee?" nakangiting salubong ni Troy sa binata at kasama niya ang asawa na si Tanya.

"May iba akong kailangan kaya ako narito." Malamig na tugon ni Xavier sa ginoo at nilampasan ito.

Nagkukumahog na si Shane sa pagbihis at biglaan ang dating ni Xavier. Dapat maganda siya at sexy dahil himala itong biglang pagdalaw ng binata sa kaniya.

Pagkapasok ni Xavier sa sala ay agad inilibot ang tingin sa paligid. Natuon ang mapanuring tingin niya sa isang picture frame. Larawan iyon ng mag asawa kasama si Shane.

"May iba ka bang hinahanap, hijo?" tanong ni Troy sa binata.

"Maupo ka muna, hijo, nagbibihis lang ang nobya mo." Nakangiting anyaya ni Tanya sa binata nang hindi ito sumagot sa asawa niya.

"May iba pa ba kayong anak?" tanong ni Xavier sa mag asawa.

Natigilan si Tanya sa naging tanong ng binata. Ngumiti siya kalaunan saka tumango. "Nag iisa lang ang anak naming mag asawa, bakit mo naitanong, hijo?"

Sa halip na sagutin ang ginang ay napatingin si Xavier sa malaking glass window. Bahagyang nakabukas ang kurtina niyon at ramdam niyang may nakatitig sa kaniya kanina mula doon.

"Hijo, saan ka pupunta?" nagtatakang tawag ni Tanya sa binata nang bigla itong naglakad patungo sa window.

Parang walang naririnig si Xavier at sumilip sa labas ng bintana. Ngunit walang ibang tao roon. Mabilis siyang tumalikod upang umalis na.

"Hi, babe!" Nakangiting bati ni Shane sa binata mula sa gitna nang hagdan nang makita ito.

Sandaling tinapunan ni Xavier ng tingin ang babaing bumati. Nang hindi makita dito ang similarities na hinahanap sa isang babae ay walang salitang nagpatuloy siya sa paglalakad.

Muntik nang matapilok si Shane sa hagdan dahil sa pagmamadali ng hakbang nang makitang paalis na ang binata. Nasa isip ay nainip ito sa paghintay sa kaniya. "Xavier, wait!"

Hinabol na rin ni Troy ang binata at nagtaka siya dahil dumiritso ito sa likod ng bahay nila na para bang may hinahanol.

Tumalim ang tingin ni Xavier sa bakod nang walang maabutang tao doon. Malakas ang kutob niyang may tao kanina sa bintana ngunit ang bilis ng kilos niyon.

Nagtatakang napatingin din si Troy kung saan nakatanaw si Xavier.- Nangunot ang noo niya dahil wala siyang nakikitang kahina hinala sa paligid.

Matalim ang tinding nilingon ni Xavier ang ginoo. "Make sure na nagsasabi ka ng totoo dahil alam mo kung paano ako magalit!"

Napatda si Troy sa kinatayuan at parang nalulon ang sariling dila. Wala na sa harapan ang binata ay hindi pa rin siya nakahuma sa banta nito. Alam niya kung sino ang hinahanap nito base na rin sa tanong kanina. Hindi niya alam kung ano ang kasalanan ni Karen dito kaya mas nakakabuting ilihim ang tungkol sa una niyang anak. Hindi maaring hindi matuloy ang kasal sa pagitan ng pamilya nila dahil doon nakasalalay ang kapayapaan ng organisation saka ang negosyo niya.