Chapter 7

"Hi, miss." Bati ng lalaking malapit lang kay Kiana.

Napilitan si Kiana na lingunin ang lalaking bumati pero iniwasang mapatingin sa gawi ni Xavier. "Yes? May I help you?" Pormal niyang tanong sa lalake na may suot ding maskara.

"My name is Sergio." Inilahad ng lalake ang palad sa harapan ng dalaga.

Tiningnan lang ni Kiana ang kamay ng lalake. Nayayabangan siya sa paraan ng approach nito sa kaniya. "Jusr call me, maroon."

Humulma ang pilyong ngiti sa labi ng lalake at nang aarok ang tingin sa dalaga. "I like your humors."

Umangat ang isang sulok ng labi ni Kiana at sinalubong ang nang aakit na mga titig ng lalake. Kahit may suot ba maskara at masabing niyang may hitsura ang lalake. Naudlot ang pagbuka ng bibig niya nang marinig mula sa maliit na chips na nasa tainga ang boses ni Ronald.

"Kailangan mo rin siyang kaibiganin," ani Ronald sa dalaga.

Biglang ngumiti si Kiana at nagbago ang isip sa balak na pagtaray sa lalake. "Thank you, nice to meet you!" Tinanggap na niya ang pakipag kamay ng lalake.

Mabilis ang kilod ni Sergio at ibinigay ang calling card agad sa dalaga. "Baka kailangan mo ng tulong ko someday." Kumindat pa ito sa dalaga.

Humulma ang kakaibang ngiti sa labi ni Kiana habang tinatanggap ang calling card ng binata. Pero agad ding nabura ang ngiti sa labi nang may lumapit sa kanila.

"Hey, Mr. Obron." Bati ni Sergio sa lalake.

Tinanguan Xavier ang lalake at tinuon ang tingin sa babaeng kanina pa nakakuha sa atensyon niya. Nang umiwas ito ng tingin sa kaniya ay lumakas ang kutob niyang kilala siya nito.

Nakahinga nang maluwag si Kiana nang biglang tumunog ang cellphone niya kaya nagkaroon ng dahilan upang iwan ang dalawa. "Excuse me."

Matiim ang tinging ipinukol ni Xavier sa babaeng nagmamadaling makalayo sa kanila.

"Kilala mo ba si Ms. Maroon?" tanong ni Sergio.

Nangunot ang noo ni Xavier at tumingin sa lalake. "Maroon?"

Napakamot sa batok si Sergio kahit hindi naman makati iyon. "Iyan ang pangalang sinabi niya sa akin."

Pumalatak sa isipan si Xavier at napailing. Hindi niya akalaing naniwala ang lalake na iyon nga ang pangalan ng babae. Walang salitang iniwan ito at tinahak ang daan kung saan pumunta ang babaeng gustong makilala.

Pagkapasok sa restroom ay tinulak ni Kiana isa isa ang pinto ng bawat cubicle upang siguradohing wala ibang tao sa loob, inalis ang suot na maskara at humarap sa salamin bago sinagot ang tawag ni Ronald. Nakikita ni Ronald na kailangan niya kanina ng pamg distraction kaya tinawagan siya.

"Ano ang nangyari? Bakit sa halip na gumawa ka ng paraan upang mapalapit ka sa kanila ay umiiwas ka?" tanong ni Ronald mula sa kabilang linya.

"Damn you, bakit hindi mo agad sinabi na si Xavier ang taong tinutukoy mo?" Inis na sumbat ni Kiana kay Ronald. Kahit mas may edad ito sa kaniya ay parang kaedaran lang kung kausapin.

Pumalatak si Ronald at nakapamot sa ulo kahit hindi makati iyon. "May ginawa ka ba na hindi ko alam?"

Napipilan si Kiana. Walang alam nga pala si Ronald sa ginawa niyang pang aakit kay Xavier. Parang kuya niya kasi kung umasta ito. Ang alam lang nito ay nasa poder siya ni Denver bilang kapalit ng kakambal niyang hanggang ngayon ay hindi pa nagigising.

Huminga nang malalim si Ronald nang hindi agad naka sagot ang dalaga. "Siya ang uncle ni Denver na kinatatakutan nila." Sandaling tumigil sa pagsasalita si Ronald at parang napaisip. "Mamaya na tayo mag usap muli at may kailangan akong lapitan."

Tumango si Kiana kahit hindi siya nakikita ng kausap. Hindi niya akalaing iisang tao lang ang fiance ni Shane at uncle ni Denver. Ang alam niya ay kababalik lang ng binata galing abroad. Hindi rin close ang pamilya ni Denver dito kaya siguro hindi pa nakadaupang palad si Karen. Humulma ang kakaibang ngiti sa labi ni Kiana, para siyang naka-hit ng dalawang ibon with one stone. Ilang sandali pa ay mabilis na ibinalik ang maskara sa mukha nang maramdamang may taong parating. Paglingon niya ay walang ibang tao siyang nakikita. Tumalim ang tingin niya sa pinto at nagmamadaling humakbang upang tingnan kung sino ang nagmamatyag sa bawat kilos niya.

Kitang kita ni Xavier mula sa kinatayuan ang paggala ng mapanuring tingin ng babae sa paligid. Hindi nga siya nagkamali ng pakiramdam kanina. Nang makitang paalis na ang dalaga sa bulwagan ay mabilis na inutusan si Leo. "Sundan mo siya at make sure na hindi ka mapansin."