Chapter Eight- Toothbrush

"Kumain ka na nga, Valentina, naririndi na ako sa bunganga mong maingay."

"Nagtatanong lang naman ako a. "

"P'wede ba, for once, huwag ka ng sumagot o magsalita. Nabibingi na ako sa boses mo. Para kang kuliglig sa parang." irita na wika sa akin ni Aekim. Parang gusto na nga ako nito bigwasan.

"Ano 'yon? Di ko ma gets. Ano ang kuliglig?" tanong ko dito. Hindi ko talaga alam kong ano ang kuliglig. Kaya nga humihingi ako ng dipensa sa guro ko sa Pilipino dati dahil nganga talaga ako sa malalalim na salita.

"Anak ka ng patis, Valentina. Matutuyuan talaga ako ng dugo sa'yo. It's cricket." pikon na pikon na sagot sa akin ni Aekim. Para ngang natuyo na ang dugo nito sa kakatanong ko mula pa kanina.

"Sorry na." hinging paumanhin ko sa nagtalukbong nang kumot. "Hindi ko talaga alam e."

"I really don't know why grandma likes you. Mukhang  nasa seventy five lang ang level ng IQ mo." wika nito.

"E di mag-sana all ka!" sagot ko sa kaniya sabay tanggal ng kumot na nakatakip sa ulo. "E ano naman kung seventy five lang ang IQ ko?"

"Poor head of yours. Never akong mag-sana all.” asar na sagot nito sa akin.

"Nakakainis ka!" naiinis kong wika saka muling nagtalukbong ng kumot. "One hundred twenty kaya ang IQ level ko." mangiyak-ngiyak na wika ko habang nagtatago sa ilalim ng kumot.

Dinig ko ang paghinga nito ng malalim saka ang may kabigatang hakbang nito palayo sa higaan ko. Maya-maya ay narinig ko ang mahinang ingay ng higaan nito.

"Matutulog na ba siya? Ten thirty ng umaga pa lang a, wala ba siyang trabaho?" nagatataka na tanong ko sa isip ko.

Ang sabi niya kanina may meeting siya kahapon pero ang sabi niya kahapon ay magkikita sila ni Leona. Naudlot? Dahil ba sa akin? Tsk. Buti naman. Kailangan ko na bang mag- celebrate?

Natutuwa na tinanggal ko ang kumot na nakatalukbong sa akin saka mabilis na tumayo at inayos higaan ko. Magluluto ako ng lunch namin ni Aekim.

"Saan ka pupunta?" tanong nito sa akin.

"Mamalengke. Magluluto ako." masaya kong wika kay Aekim. Nilingon ko siya saka nginitian ng matamis.

"P'wede naman sa labas tayo kumain a."

"Ayokong makipag-date sa'yo baka masabunutan pa ako ni Leona mo."

Sa totoo lang gusto ko na lagi ko siyang makasama. Lagi ko siyang nakikita at nakakausap. Gusto kong sabihin sa kaniya na lahat na nakikita niya sa akin na "kuno" hindi na nasasaktan pero ang totoo nadudurog ako. Sa bawat pagbanggit ko ng pangalan ni Leona ay tila punyal na tumatarak sa puso. At mas mapait pa sa apdo ng isda.

"Magkikita nga kami mamaya." mahinang wika nito.

"I know! And it's Leona again." pairap kong sagot sa kaniya.

"Hindi kita sasamahan at hindi ako kakain sa luto mo."

"Did I ask you to eat?" pagmamaldita na sagot ko sa kan'ya.

Hindi sumagot sa akin si Aekim bagkus humiga ito ng patalikod sa akin.

Lilisanin ko na sana ang kuwarto namin ng tumunog ang cellphone ni Aekim. Agad naman nito kinuha ang cellphone nito na nasa tabi lang nito. Agad naman akong lumapit sa kaniya para mapagsino ang tumawag. Baka kasi ni mama Lily ang tumawag mabuti nang nasa tabi niya ako kapag hinanap ako nito.

Ngunit gano'n nalang ang pagkadismaya ko ng pangalan ni Leona ang rumehisto sa screen. Nairap ako saka lumayo kay Aekim habang lihim na iniinda ang sakit na nararamdaman.

Imbes na lalabas ako ay pinili ko nalang ang maligo. Itutuloy ko nalang ang mamalengke at magluto. Ibunton ko nalang sa pagluluto ang hapdi nitong pusong nadarama.

Dahil sa masama ang loob ko kay Aekim kinuha ko ang toothbrush niya ay ginawang brush sa kuko ko sa kamay at paa. Wala akong pakialam kong millions of millions na bacteria ang kumapit sa bibig niya. Si Leona lang din naman ang hahalikan. Sana magkasingaw silang dalawa.

Inis na pinagbuti ko ang pagbrush gamit ang toothbrush ni Aekim sa kuko ko sa paa. Medyo masakit na nga itong mga kuko at medyo namumula na din kaya tinigil ko na ang pagbrush.

Nakangiti na ibinalik ko sa lagayan ng toothbrush ang toothbrush ni Aekim habang nagha-hum ng kanta ni Selena Gomez na Same Old Love. Satisfied na satisfied ako sa mga oras na 'to at sinamahan ko pa ng kunting indak ang pagkanta ko.