kabanata 6

Namamanhid at kumikirot ang pisngi ni Aeris dahil sa sampal, pero mas masakit ang nararamdaman niya sa dibdib niya na para bang tinusok siya ng ilang milyong karayum. Alam niyang kailangan ng Ina niyang si Chinnie ang tulong ni Lucas para sa pamilya nila, pero hindi niya akalain na ito mismo ang tumulak sa kanya para lang masampal siya.

Narealize din naman ni Chinnie ang ginawa niya. Nakaramdam siya ng konting hiya habang nakatingin kay Aeris, pero nanatili siyang tahimik at nakakuyom ang mga kamay. Nagiging tensyonado na ang paligid.

Huminga ng malalim si Aeris at ng subukan siyang hawakan ni Lucas ay agad niyang tinabig ang kamay nito. “Huwag mo akong hawakan.”

Nakaramdam ng sakit si Lucas sa ginawa ni Aeris, kaya ang awa niya ay napalitan agad ng inis at galit. Naisip niya na nababaliw lang siya kaya siya nakaramdam ng lungkot para sa babae kanina.

Malamig niyang tiningnan si Aeris. “Utang mo ito kay Daphne.”

Halos matawa si Aeris sa narinig. Buong tapang siyang sumagot, “Lucas, huling beses ko na itong sasabihin—maghiwalay na tayo.”

Dahil sa paulit-ulit na pakikipaghiwalay ni Aeris, nagdilim ang paningin ni Lucas . “Wala kang utang na loob, Aeris. Isipin mong mabuti—anong karapatan mong makipaghiwalay sa akin?” galit na sabi ni Lucas . “Kapag iniwan mo ako, huwag mong asahan na tutulungan pa ng pamilya ko ang pamilya niyo. Mawawala ang pagka-prinsesa mo. Itigil mo na yang kamalditahan mo. Kaya kitang ituring na parang reyna, pero kaya ko ring bawiin lahat ‘yun.” Sa madaling salita ay sinabi niya na wala nang silbi si Aeris kung wala siya. Alam ni Lucas na masakit ito para kay Aeris, but still he said it without considering how Aeris felt.

Nang marinig ito, agad sumingit si Chinnie at sinabing hinding-hindi siya papayag na maghiwalay ang dalawa.

Napangisi ng mapait si Aeris. “Anong ‘ituring na reyna’? Lucas, tanungin mo ang sarili mo—hindi ka ba nagi-guilty sa sinasabi mo?”

Mula ng nangangailangan ng tulong ang pamilyang Montalban, laging mataas ang tingin ni Lucas sa sarili niya. Madalas niyang ipahiya si Aeris sa harap ng mga kaibigan niya at ginagawa pa itong pustahan. Bukod doon, sa kanya rin ibinubuhos ni Lucas ang galit nito.

At nang bumalik si Daphne, mas lalo pa itong naging masama kay Aeris. Wala siyang naranasang espesyal na pagtrato mula sa lalaki.

Dahil sa tono ni Aeris, tila natauhan ng bahagya si Lucas . Mukhang... hindi nga niya ito natratong mabuti. Pero ano naman? Kailangan ng pamilyang Montalban ang pamilya niya. Naisip niyang kapag lumipas ang galit ni Aeris, babalik din ito para amuhin siya gaya ng dati. Dahil sa isiping iyon, nawala ang hiya niya at naging dedma na lang ulit.

Pero hindi nagpatinag si Aeris.

“Aeris, tungkol sa pakikipaghiwalay—hindi ako—” magsasalita sana si Lucas para tumanggi.

Pero pinutol siya ni Aeris. “Sinasabihan lang kita—hindi ako nagpapaalam sa iyo.”

Napahiya at nagalit si Lucas .

“Sige! Maghiwalay tayo. Tingnan natin kung paano kayo mabubuhay ng wala ang tulong ko.”

Ginamit na naman nito ang pamilya ni Aeris para takutin ito, pero wala na itong talab.

Ngumiti lang si Aeris at nagsalita, “Huwag mo na kaming alalahanin, Mr. Jurial.”

Pagkatapos niyang sabihin yon ay tumalikod na siya at naglakad palayo. Hindi niya pinansin ang pagpigil ng kanyang ina. Umalis siyang hindi lumilingon.

Naiwang masama ang loob ni Lucas habang pinapanood siyang makaalis. Hindi siya naniniwala na magagawa siyang iwan ni Aeris nang tuluyan.

Nagkatinginan pa sila ni Chinnie ang Ina ni Aeris.

Paulit-ulit na nangako ang ina na kakausapin at susuyuin si Aeris pag-uwi nila. Ngumisi lang si Lucas at hindi na sumagot.