Kabanata 7

Ilang minuto lang ang nakalipas ng makaalis si Aeris mula sa ospital ng nakatanggap siya ng tawag mula sa kanyang ina na si Chinnie. Dahil sa galit niya ay hinayaan niya lang itong tumunog hanggang sa kusa itong maputol.

Pero wala yatang balak na huminto sa pagtawag ang Ina niya, dahil tumunog ulit iyon ng ilang ulit.

At dahil kilala niya ang ugali ng ina ay kung hindi niya iyon sasagutin ay hindi talaga ito titigil, sa huli ay sumuko siya at agad na sinagot ang tawag.

“Aeris, binawi na ng pamilyang Jurial ang kanilang investment at tapos na ang lahat ng kooperasyon sa pagitan ng mga pamilya natin. Masaya ka na ba?!” Galit na sigaw ng ina niya mula sa kabilang linya ng telepono.

Hindi pa rin maintindihan ni Chinnie kung bakit ang anak niyang si Aeris na napakahabang panahon na nagtitiis mula sa lahat ay biglang sumuko at nagmamatigas ngayon.

Nang marinig ang sinabi ng ina ay bahagyang na higpitan ang paghawak sa kanyang telepono. Sanay na siya sa hindi makatwirang pananalita at pambabastos nito. Matapos ang mahabang katahimikan, mahinang nagsalita si Aeris.

“Hayaan mo silang bawiin. Gagawa ako ng paraan para malutas ang problema ng kumpanya nang mag-isa—”

“Akala mo naman napakadali niyan!” Galit na pagputol ng ina. “Sa tingin mo ba ganun lang kadali ang tumalikod? Aeris, naisip mo ba kung anong mangyayari sa libu-libong tao sa ilalim ng M Group kung talagang bawiin ng pamilyang Jurial ang puhunan nila? Hindi ba silang lahat ay kailangang kumita para mabuhay?”

Dahil sa mga salitang binitawan ng ina ay napaisip nang malalim si Aeris. Nanatili siyang tahimik habang nakikinig sa walang tigil na panunumbat ng kanyang ina. Alam niya kung hindi mailalabas ng kanyang ina ang galit nito ngayon, hindi siya magkakaroon ng kapayapaan sa mga susunod na araw. Kaya naman, hinayaan niya lang si ito. Dahil kalaunan, mapapagod din ito at magsimulang umiyak na naman ng malakas sa kabilang linya.

Bumuntong-hininga ng mahina si Aeris bago magsalita. “Gagawa ako ng paraan para makahanap ng pera, Ma. Hanggang dito na muna tayo.”

Pagbaba ng tawag agad na nagtanong si Aeris tungkol sa kasalukuyang sitwasyon ng M Group. Nang malaman niyang totoong binawi na ng pamilyang Jurial ang investment at sinimulan na ang pagbuwag sa kanilang joint project, narealize ni Aeris na ginawa lang ito ni Lucas upang papiliin siya.

Ang lalaking dati niyang pinapangarap ay tuluyan nang kinalaban siya. Ang nararamdaman ni Aeris ay parang dinudurog ang kanyang puso. Nang kumalma na siya ay kinuha niya ang kanyang telepono at tinawagan ang real estate agent para itanong ang tungkol sa pagbebenta ng apartment. Sa kabutihang palad, lahat ng tumingin sa apartment ngayong araw ay mukhang interesado at nagpahayag ng intensyon na bilhin ito.

Gayunpaman ay may isa o dalawang tao na parang nag-aalinlangan pa rin. Sa mga natitirang potensyal na mamimili, basta masigurado ni Aeris na walang problema, maaari na siyang pumili ng buyer. Pagkatapos non ay kailangan na lang asikasuhin ang paglilipat ng titulo.

Nang marinig ang presyo na sinabi ng agent, bahagyang kumunot ang noo ni Aeris. “Hindi problema ang presyo. Gusto ko lang na mailipat agad ang pera sa account ko sa lalong madaling panahon.” Wala namang balak si Aeris na solohin ang lahat ng pera mula sa apartment. Bagama't nakapangalan sa kanya ang property, kalahati nito ay pag-aari ni Lucas. Kapag dumating na ang pera, balak niya na ilipat ang share nito sa lalaki.

Mabuti na lang at naintindihan agad ng agent at nagsimulang mag-asikaso at sinabing maghintay muna siya para sa susunod na balita. Pagkatapos ng tawag, naghanda na siya na bumalik sa kanyang apartment. Dahil plano na niyang ibenta ito, wala na siyang balak na manatili pa doon. Na-empake na niya ang lahat kagabi ang kailangan na lang niyang gawin ngayon ay kumuha ng moving company at tuluyan nang umalis.

Subalit, hindi niya inaasahang makasalubong si Lucas sa pagbalik niya sa apartment. Nagulat pa Aeris hindi ba dapat ay nasa ospital pa ito? Napatingin siya sa kanang kamay ni Lucas, kung saan hawak nito ang isang maliit na kulay rosas na maleta.

Habang si Lucas ay hindi rin inaasahan na makikita ulit si Aeris sa bahay nang wala pang isang oras ang nakalipas. Nagtagis ang kanyang bagang at malamig ang kanyang titig sa babaeng nasa harap niya. “Bakit ang luwag na ng bahay?” Sabi nito.

Dahil medyo nanghihina pa si Daphne ay kailangang manatili muna ito sa ospital para maobserbahan. Pagkatapos asikasuhin ni lucas ang pagpasok nito sa ospital, bumalik muna ito sa bahay para kumuha ng ilang gamit nito. Wala siyang napansing kakaiba kagabi. Pero ngayon na bumalik siya, nadiskubre niyang wala na ang mga litrato nila ni Aeris, pati na rin ang kanilang mga pinagsaluhan na mga gamit.

At nang maalala ang pagpumilit ni Aeris na makipaghiwalay lalong nag-alab ang galit ni Lucas na dati nang naiirita.