kabanata 5

Narinig ni Lucas ang gulo sa labas.

Nawala agad ang ngiti sa kanyang mukha nang makita si Aeris. Naging malamig ang mga tingin sa babae na tila galit at nanunumbat.

Napansin naman agad ito ni Aeris. Nakatayo siya sa likod ng kanyang ina na si Chinnie na wala ring emosyon ang mukha.

“Hijo, Lucas, pasensya na, naging matigas lang ang ulo ni Aeris. Dinala ko siya rito para humingi ng tawad sa iyo,” sabi ni Chinnie habang pilit na ngumingiti para magpalakas. Kasabay nito, ay itinulak niya si Aeris sa harap ni Lucas.

Tiningnan lang sila nang malamig ni Lucas. Wala siyang balak magsalita dahil hinihintay niyang si Aeris ang unang sumuko at mag-sorry. Dati naman kasi, tuwing nag-aaway sila, si Aeris ang laging nagpapakumbaba para amuhin siya.

Akala niya, ganoon pa rin ang mangyayari ngayon kaya gumaan ng kaunti ang loob niya.

Dahil tahimik lang si Aeris. 

Nakita niyang siniko ito ni Chinnie ang ina ni Aeris. “Anak, mag-sorry ka na agad,” pagsenyas nito sa anak.

Ngumiti lang nang bahagya si Aeris. “Bakit ako hihingi ng tawad? Lucas, ikaw ang hindi tumutupad sa pangako, hindi ako. Dahil hindi mo naman pala kayang iwan si Daphne , ibibigay ko na ang gusto mo.” Tiningnan niya ito ng diretso sa mata, walang kurap iyon. “Nakakapagod ang may dalawang babae—pati ako napapagod para sa iyo. Bakit pa natin itutuloy?  Kung hindi mo kayang iwan si Daphne, sabihin mo ng diretso. Hindi ako yung tipo ng tao na ipagsiksikan ang sarili. Wala akong ginawang masama, kaya hindi ako mag so-sorry. Pinag-isipan kong mabuti ang pakikipaghiwalay sa iyo.”

Kahit kitang-kita ang galit ni Lucas, hindi natinag si Aeris. “Bahala kayo ni Daphne  sa drama ninyo. Hindi ako ganun ka desperada para sumali sa laro niyo. Ayoko na... dahil nandidiri ako,” prangkang sabi ni Aeris.

Dito na sumabog sa galit si Lucas. “Aeris! Walang malisya ang samahan namin ni Daphne! Hindi ito madumi gaya ng iniisip mo. Sumosobra ka na!” Malakas na sigaw nito, “Babae ka rin—bakit mo sinisiraan ang kapwa mo babae? Hindi mo ba alam kung gaano kahalaga ang dangal sa atin? Humingi ka ng tawad sa kanya!”

Habang nagsasalita ito ay bigla na lang naiyak uli si Daphne .

“Aeris, bakit mo ako sinisiraan? Kung ayaw mong maniwala sa akin, hindi ka ba naniniwala kay Lucas?” hikbi ni Daphne . “Naging kami noon, pero tapos na ‘yun. Tinutulungan lang niya ako bilang kaibigan. Huwag mo namang gawing biro ang reputasyon ko dahil lang sa galit mo.”

Namumula ang mukha ni Daphne  sa kakaiyak.

“Bakit mo ako pinagbibintangan? Sige—hindi na ako mang-istorbo sa kanya. Lalayo na ako sa inyong dalawa, okay? Nagpakalat ka ng tsismis tungkol sa akin—dapat kang mag-sorry. Ako... Ako...” Hindi pa siya natatapos magsalita nang biglang namutla si Daphne  at bumagsak sa kama. Nahimatay siya.

Natataranta namang pinindot ni Lucas ang call button para sa mga doktor. Mabilis agad na dumating ang mga nurse at doktor. Pagkatapos suriin si Daphne , sinabi nilang nahimatay lang ito dahil sa sobrang galit at stress, kaya dapat itong magpahinga. 

Masamang tiningnan ni Lucas si Aeris. Bago pa makakilos ang babae, itinaas na ni Lucas ang kamay niya para sampalin ito. Mabilis na umiwas si Aeris at umatras upang makaiwas siya, pero ang ina niyang si Chinnie na nasa likod niya ay humarang. Pinigilan nito ang pag-atras ni Aeris at itinulak pa ito palapit kay Lucas.

Umalingawngaw ang malutong at malakas na sampal sa buong silid.

Nagsisi naman agad si Lucas pagdapo ng kamay niya. Nadala lang siya ng bugso ng damdamin. Gusto sana niyang bawiin ang sampal, pero hindi niya akalain na itutulak si Aeris sa harap niya. Eksaktong tumama ang sampal sa mukha ni Aeris.

Natigilan si Lucas, nanginginig ang boses. “I-i…” Gusto niyang magsalita na hindi niya sinasadya. Pero nang makita niya ang bakas ng kanyang kamay sa pisngi ni Aeris, nawalan siya ng boses. Hindi niya kayang humingi ng tawad.