kabanata 4

Habang papunta sa bahay ng pamilyang Montalban si Aeris, nakatanggap siya ng tawag mula kay Lucas. Hindi pa man siya nakapag salita ay agad ng umalingawngaw ang galit na galit na boses nito sa kabilang linya at kulang na lang ay mabingi na siya sa sobrang lakas. 

“Aeris, pumunta ka dito sa ospital ngayon at humingi ka ng tawad kay Daphne!” mula sa background na tunog ay maririnig ang mahihinang paghikbi ni Daphne. Walang duda kung bakit sobrang galit na si Lucas sa kanya dahil umiyak na naman ang bruha. 

Pero hindi nag-atubili si Aeris at binalewala pa niya ang pagsigaw at binabaan pa niya ng telepono. Ngunit tumawag ulit si Lucas nang paulit-ulit na ikina-irita niya lalo.  

Mukhang sa mga oras na ito ay desidido yata itong kaladkarin talaga siya sa ospital para lang humingi ng tawad kay Daphne na kahit anong nangyari ay hindi niya gagawin, mamatay muna siya bago nangyari yon. Sa sobrang inis ni Aeris ay binlock niya ang numero ni Lucas at sa wakas ay tumahimik din ang kanyang selpon. 

Huminga siya ng malalim at pagdating niya naman sa bahay, sinalubong agad siya ng kanyang ina na si Chennie na bakas ang kaba at tensyon sa mukha nito, para bang ang laki ng problema. 

“Aeris, ginalit mo na naman ba si Lucas?” hindi na mapigilan na hindi magalit sa anak. “ Hindi ba’t sinabi ko sa iyo na huwag masyadong matigas ang ulo? Sabi ko naman na amuin mo si Lucas. Bakit ba napakaisip-bata mo pa rin?” dagdag nito na para bang sobrang big deal ang lahat pagdating kay Lucas. “Tumawag sa akin si Lucas at sinabing binlock mo raw ang numero niya. Tawagan mo siya ngayon at humingi ka ng tawad. Bilis!”

Habang nagsasalita ito ay akmang kukunin pa ni Chennie ang cellphone ni Aeris. Mabuti na lang ay agad na ilayo niya ito. 

Noon talaga ay hindi papayag ang kanyang ina na nagpapababa ng ganito ka baba. Dati kasi ay kapantay ng kanilang pamilya ang mga Jurial. Ngunit dahil sa nangyari tatlong taon ang nakalipas, dahil sa maling desisyon ng ama ni Aeris na si Antonio, muntik nang mabangkrupt ang kanilang kumpanya. Simula noon, tanging ang tulong na lang ng pamilya Jurial ang nagpapanatili sa kanila.

At dahil dito, nawala ang balanse sa pagitan ng dalawang pamilya. Hindi na sila pantay. Sa tuwing nagpapakita ng kahit konting inis si Lucas, pinipilit ni Chennie ang anak na si Aeris na mag-sorry at amuin ang lalaki—dahil sa takot na kapag binawi ng mga Jurial ang puhunan, tapos na ang pamilyang Montalban. Sa loob ng maraming taon, alang-alang sa kanyang ama na paralisado dahil sa stroke, at dahil na rin sa mga iyak, sumbat, at banta ng pagpapakamatay ng kanyang ina, paulit-ulit na nagpakababa si Aeris. 

Pero ngayon ay naiintindihan na ni Aeris ang lahat, na kahit gaano pa siya magmakaawa o mawalan ng dignidad, hindi siya bibigyan ni Lucas ng kahit sulyap man lang—lalo na ng awa. Nasanay na kasi ito. Kaya naman ganun na lang siya saktan nito ng harap-harapan, na tila ba karapatan nito at hindi siya pwedeng magreklamo.

“Ma,” mahinahong sabi ni Aeris, “Balak ko nang makipag-break kay Lucas.” kahit alam niyang hindi papayag ang kanyang ina ay sinubukan niya parin. 

Pero dahil hindi na siya pwedeng manahimik, dahil kung hindi siya magsalita ngayon, mauulit lang ang ganitong eksena ng walang katapusan.

Nang marinig ni Chennie ang sinabi ng anak ay bigla na lang itong sumigaw.  “Anong sabi mo? Sinong maysabing makipag-break ka? Hindi ako papayag! Huwag mong gawing biro ang mga ganyang bagay!”

Sigaw nito, “Sabi ko humingi ka ng tawad kay Lucas at hindi makipaghiwalay!”  at hindi pa ito nakuntento at hinigpitan ang paghawak sa pulso ni Aeris. “Sasama ako sayo sa pamilyang Jurial. Hihingi ka ng tawad nang harap-harapan at nagmamakaawa ka kay Lucas kung maaari! Napaka-walang-utang na loob mo talagang bata ka! Sinabi ko na sa iyong huwag kang padalos-dalos, pero hindi ka nakikinig!”

“Ma!” Binawi ni Aeris ang kanyang kamay. “Wala akong ginawang mali. Bakit ako hihingi ng tawad?” nakakunot ang noo niya habang sinabi niya iyon sa kanyang Ina.  “Sinabi ko na sayo dati—hindi ako mahal ni Lucas, ayoko ng ganito. Pagod na pagod na ako sa lahat.” 

Ilang beses na niyang nabanggit ana makipag-break noon, pero lagi siyang pinatatahimik ng kanyang ina sa pamamagitan ng pag-iyak at pagwawala. Pero sa pagkakataon na ito ay hindi na siya susuko. 

Hindi makapaniwala na tumingin sa kanya ang Ina na si Chennie, para bang malaking problema talaga ang pakikipaghiwalay kay Lucas.  “Anong sabi mong kalokohan? Ano nalang ang mangyayari sa pamilya natin  kung wala ang tulong ng mga Jurial?” sabi nito, “at kung hindi ka mahal ni Lucas, bakit ka niya ididate ng maraming taon? At ano naman kung nakalimutan niya yung pagpaparehistro ng kasal niyo kahapon? Matuto kang umintindi! May mahahalaga siyang ginagawa. Bakit ba napaka walang konsiderasyon mo?”

 

Ngayon lang nalaman ni Aeris na alam pala ng kanyang ina. Alam nitong hindi sumipot si Lucas sa kasal nila kahapon. Ang hindi inaasahan ni Aeris ay sa halip na aluin siya at ipaglaban ay ito pa ang ang pilit na humingi siya ng tawad.   

May ginawa ba siyang mali? Tinitigan ni Aeris ang kanyang ina na puno ng hinanakit. “Ma, gumising ka. Si Daphne  ang mahal ni Lucas at hindi ako at kahapon ang pangatlong beses na iniwan niya ako para sa babaeng iyon.” sabi niya at pilit na pinigilan ang luhang gustong lumabas.  “Ma… napapagod din ako.”  Walang mababakas na emosyon sa malamig na mga mata ni Aeris. Alam niya kasi na kahit magsalita siya ay isa lang ang sasabihin ng kanyang ina na si Chinnie na magtiis. 

Matapos marinig ng kanyang Ina ang sinabi niya ay dismayado na napa-iling ito. "Aeris, kung hindi mo kayang panatilihin sa tabi mo ang lalaki mo, sino pa ang dapat sisihin? Basta, hindi ako papayag na makipag-break ka kay Lucas." Sambit nito at hindi nga siya nagkakamali, hindi ito papayag at mukhang siya na naman ang may problema at hindi si Lucas. “Hinding-hindi matatanggap ng pamilyang Jurial si Daphne, pero hanggang ngayon ay hindi mo pa rin mapakasalan si Lucas o gawain ng parang upang makalimot si Lucas sa babaeng yon. Bakit hindi mo pag-isipan kung bakit hindi mo siya mapanatili sa piling mo?" Dagdag nito.  At habang nagsasalita ito ay lalong nagagalit tono nito. 

Umaasa na lang ang pamilya nila sa mga Jurial, pero pakiramdam ni Chinnie ay parang walang silbi anak niyang si Aeris. At nakakairita ito para sa kanya.

Masyadong mahaba ang sinabi ng kanyang Ina pero halos matawa na lang si Aeris. "Ma, ako—"

"Huwag mo akong tawaging Mama!" sigaw ni Chinnie, na tuluyan nang nawalan ng kontrol sa emosyon, Lalo nat tumawa ang anak.  "Aeris, kung may pakialam ka pa sa akin, makinig ka! Hindi ka pwedeng makipag-hiwalay kay Lucas! Hindi ako papayag!  At makinig kang mabuti! Kapag nakipaghiwalay ka at tuluyang mabangkrupt ang pamilya natin, magpapakamatay ako sa harap mo! Hindi kita mapapatawad—kahit sa kabilang buhay!" Sigaw nito at matindi ang pagkatitig ni Chinnie sa anak. Ito ang mga salitang lagi niyang ibinabato sa tuwing babanggitin ni Aeris ang makipaghiwalay at sa bawat pagkakataon ay pinipili niya na lang na sumuko na lang at sumunod na lang para walang gulo. 

Sobrang tigas ng ulo ng kanyang Ina, kaya nakaramdam si Aeris ng kirot sa ulo at pangungulila sa kanyang puso. Sa tingin kasi ng kanyang ina, mas mahalaga ang kinabukasan ng pamilya kaysa sa sariling kaligayahan ng anak. Wala itong pakialam kung magiging masaya ba siya sa piling ni Lucas. Ang mahalaga  para dito ay mabuhay ang pamilya nila at manatiling nasa angat at hindi malamangan.

Nagtitigan silang dalawa, walang gustong sumuko.

Magsasalita na sana si Aeris nang biglang hawakan ng Ina niyang si Chinnie ang kanyang pulso na parang nawawala sa sarili at kinaladkad siya papunta sa pinto. Desidido itong dalhin siya kay Lucas para humingi ng tawad at magmakaawa.

Una ay nanlaban si Aeris, pero sa huli ay hinayaan na lang niyang kaladkarin siya ng kanyang ina patungo sa ospital.  Hindi nga nagtagal, dinala siya ni Chinnie sa ospital, at habang nakatayo sa labas ng kwarto, tiningnan ni Aeris ang eksena sa loob, at lalong tumindi ang pait na nararamdaman niya.

Sa loob ng kwarto, bahagyang nakayuko si Lucas habang maingat na nilalagyan ng gamot ang mukha ni Daphne.

"L-lucas, masakit," mahinang daing ni Daphne.

"Hindi na 'yan sasakit. hipan ko para sayo," malambing na pang-aamo ni Lucas sa babae. 

Nang marinig ito, ngumiti ng bahagya si Daphne. Saglit na kumislap ang mga mata ni Lucas bago niya hinalikan si Daphne sa noo. Agad naman siyang niyakap nito nang may pagkahiya.

"Lucas, ang bait mo talaga sa akin."

Hinaplos ni Lucas ang buhok nito at ngumiti bago nagsalita. "Loko-lokong bata ka." Habang nagsasalita siya, lumapit si Daphne at hinalikan siya sa labi. 

Eksakto namang itinulak ni Chinnie ang pinto at nakita ang lahat. Sa sandaling iyon ay nakaramdam siya ng matinding hiya at pagka-ilang sa nangyari at nasaksihan.