CHAPTER 53.

Bellona.

"A—" magsasalita pa lamang sana ako at aabante pero hinawakan ni Kieffer ang kamay ko upang pigilan. 

"Kahit magkasakitan tayo rito hindi namin ibibigay sa inyo si Ally," malamig at punong puno ng awtoridad na sabi ni Kieffer. 

"Pasensya na Kamahalan ngunit ito ang utos ng Mahal na hari," pagmamatigas nito. "Sige na kuhanin niyo na ang bata." 

Napaatras ako nang utusan nito ang mga kasamahan niya kaya lalo kong itinago si Ally sa likuran ko. Hindi nila maaring kunin si Ally, ayoko nang maulit pa ang nangyari noon. 

"Mama..." 

"Shhh... hindi ako papayag na kunin ka nila ha," pagpapagaan ng loob ko habang nakatingin sa papalapit na mga lalaki. 

Sa unang lalaking nagtangkang kunin si Ally sa amin ay naunahan na ni Kieffer ng suntok. Nanlaki ang mata ko