CHAPTER THIRTY TWO

NATUWA si Vincent nang makita ang abaka threads na dala ng kan’yang team matapos dumating sa Maynila ang mga ito. Hindi siya nagkamali ng pagtitiwala sa bagong supplier nila ng pangunahing materyales ng kan’yang kompanya.

Halos labing-apat na oras din ang naging biyahe nina RJ mula sa lugar nina Toto sa Catanduanes, hanggang sa lokasyon nila sa Makati. Pagod na pagod ang tropa kaya pinagpahinga muna ni Vincent ang mga ito. Tutal ay totoong sulit naman ang naging pagod ng mga ito sa ginawang pag-angkat ng materyales nilang iyon.

Siyang-siya si Vincent habang binubusisi ang mga hibla ng abaka. Kumpara kasi sa mga litrato o videos na si-nend sa kan’ya bago siya nakipagkasundo sa supplier nito, mas litaw ang katangian ng threads ngayong personal niya na itong nakita.

Ispesyal itong maituturing kumpara sa ibang kauri nito, palibhasa siguro’y hinahabi pa rin ito sa tradisyunal na paraan ayon na rin kay Toto.

Hindi talaga sila lugi sa mahabang kinunsumo sa biyahe ng kan’yang mga tao para m