CHAPTER THIRTY THREE

“EDNA,” bahagyang sumilip sa pinto ng private office niya si Vincent at tinawag ang sekretarya. Sinenyasan niya itong pumasok sa opisina niya. Agad namang tumalima ang babae.

“Yes, boss?” anito nang kaharap niya na ito.

“Ah eh, gusto ko lang malaman kung may importante ba akong appointment this week? Baka kako nakakaligtaan ko?”

“Wait, boss. Itsi-check ko.” Lumabas saglit si Edna at naupong muli sa tapat ng kan’yang computer. Pagbalik ay matamis ang ngiti sa amo. “Wala, boss. Walang gaanong importanteng mga ganap sa buhay mo this week maliban sa pagbusisi mo sa lahat nang natapos nating trabaho na ready for delivery na next week, at ang pagsalubong mo kay Miss Yuri sa makalawa. Iyon ang mas importante.” parang kinilig pa si Edna matapos ang mahabang sinabi.

Natawa si Vincent. “Well, okay. Paki-book kaming dalawa ni RJ sa eroplano going to Catanduanes if possible, lilipad kami bukas ng umaga.”

Napanganga si Edna.

Tumaas ang kilay ni Vincent. “Do I need to explain to you the reason why,