Chapter 3

Chapter 3

Si Jaco? Bibili sa amin ng tinapay?

"Susmaryosep! Di mo sinabi agad!" Sita ni tiya kay ate Grace at nagmadali magtungo roon sa harap.

Natulala ako saglit pero agad ring bumalik sa katinuan. Wag mo siyang isipin, Anita. Bawal. Bawal. Bawal. Bawal.

"Mukhang naaddict ang batang 'yun sa ensaymada mo, Anita!" Humalakhak si mang Amor. Muntil nang lumuwa ang mata ko sa narinig.

"P-po?"

Tumawa si kuya Recto habang sinasalang ang nahalili na na mga tinapak papasok sa malaking kalan.

"Araw-araw atang bumibili ng ensaymada mo Anita. Minsan pa nga dumadaan rito ng umaga para bumili ng agahan." Ako ay nagulat sa narinig.

Papaano nangyari 'yun ay ang balita ni Mama ay may sarili silang gourmet chef sa hotel at sa kanilang mansyon. Pihikan sila sa mga tao. Lalo na sa mga pagkain.

"Ngayon nandito na naman. Oh, bakit gulat na na gulat ka?" Napailing ako saka ngumiti na lamang.

"Pasensya na po. Mayaman p-po kasi siya..." kaya bakit naman siya bumibili sa isang maliit na panaderya?

"Paborito daw kasi ang ensaymada mo, Anita. Minsanan nang naitanong ni Sela sa binata."

Napailing si kuya Recto habang nakapamewang.

"Ang rami pa ng binibili. Minsanan niya napakyaw ang isang tray." Napapalibutan ang katawan niya ng mga arina katulad ni mang Amor.

"T-talaga po?" Gulat kong tanong. Tumango si mang Amor at muling bumalik sa ginagawa.

"Ang gwapo ng batang 'yun. Lalaki ako pero naggwapuhan ako sa kaniya. Bakla na ba ako?" Humalakhak si mang Amor.

Napalingon ako sa bulwagan na kanina ay kinatatayuan nina ate Grace at tiya Sela. Sa labas 'nun ay mga estante ng mga tinapay. Marahil ay naroroon rin si Jaco.

Muli ay naaalala ko ang pagcorner sa akin ng mga magagandang babae ng senior high. May gusto daw sa akin si Jaco. Pero mukhang nafake news sila. Gusto ata ni Jaco ang ensamayda ko. Malaki ang pagkakaiba 'nun.

Napailing ako. Malabong magkagusto sa akin si Jaco. Nandidiri ito sa akin.

Ilang buwan siguro ang itinigal nang pagpapatayo ng panaderya bago magbukas na. Hindi naman ako umaasa na marami pa ring bumibili dahil naparami na ang mga gagandang café sa bayan. Handa naman akong ibigay ang allowance ko pangsweldo kina Mang Amor. Kahit malugi ang tindahan, okay lang. Pero wag na muling isasara.

Nakakalungkot kasi e. Dito ko lang nararamdaman na kahit papaano, nandito pa rin si Papa.

"Na-miss ko cinnamon bread niyo, Anita. Mas matamis at mas mura. Kaysa doon sa kabila." Napangiti ako sa sinabi ng isa sa mga naging suki namin noon.

"Masarap naman talaga ang mga tinapay niyo. Kahit may pagkasutil ang nanay mo." Ngumiti na lamang ako.

Sympre di nawawala sa usapan ang Mama ko.

Binalewala ko na lamang sila. Gusto ko ang ideya ni tiya Sela na dagdagan ng mga kakanin tulad ng paborito kong kutsinta. Hinakayat ko siya na ilagay ang mga paninda niya sa bakery. Mas nakakahikayat tignan kong marami ang mga paninda doon. Saka para hindi na siya mahirapan magpwesto sa bayan.

"Paano kong magbenta rin tayo ng hotcake tuwing umaga? Para di lang pandesal o mga tinapay. May dagdag menu lang." Si ate Grace nang minsanan magusap kami sa bakery tungkol sa sumisikat na ngayong taglilimang piso na hotcake.

"Pwede rin. Pero di ba mabulilyaso ang mga tinapay natin?" Naririto rin sina tita Solly.

Tahimik akong nakikinig. Inaalala ko kasi na may exam pala ako sa English bukas. At may long quiz sa Algebra II. Nakalimutan ko atang magaral dahil nawili ako kakahele ng mga tinapay.

"I-try lang natin, Mama. Kapag hindi effective ay itigil na lang natin."

"Ikaw ba, Anita? Anak, ano sa tingin mo?" Napalingon silang lahat sa akin nang biglang tanungin ako ni tito Fred. Iyong Papa ni kuya Recto. Pinsan rin ni Papa ko.

"P-po? Okay lang naman po... mas nais ko lang po na magfocus tayo sa mga pandesal." Mababa ang tono ng boses ko.

Kahit ilang buwan na itong panaderya, nahihiya pa rin ako kapag sinasali nila ako sa usapan. Pakiramdam ko, napakalaki ko ng tao.

Napabuntong-hininga si ate Grace. Hindi ko nais na magkaroon kami ng hotcake. Nais ko na bumili ang mga tao sa amin ng pandesal lamang. Baka magsawa ang mga tao. Baka akala nila pare-pareho ang lasa.

"P-pero nakita ko po kasi sa internet. Lagyan kaya po natin ng mga mesa saka upuan ang panaderya? Kung may nais magsnack o magalmusal, pupwedeng tumuloy. Dadagdag rin tayo ng menu. Katulad 'nang mga kape saka y-yung...hotcake." Suhestiyon ko. Isang bagay na inaalala ko nitong nakaraan. Marami ng mga café sa bayan pero ayaw ko naman na mawalan ng pagasa ang mga tao rito sa panaderya sakaling walang nais bumili. Bubuhayin ko pa rin itong panaderya.

Napapalakpak si ate Grace.

"Iyan ang pinupunto ko!" Umismid si kuya Recto.

"Si Anita nakaisip."

"Parang mga café lang, Anita?" Si tita Solly. Tumango ako.

"O-opo. Maganda naman po ang pintura sa panaderya. Dagdagan na lang po natin ng ilang decorasyon. Okay na po."

Tumango si tito Fred.

"Sang-ayon ako kay Anita. Nagtitiwala ako sa batang 'to." Nahihiyang ngumiti ako.

"Sinong gagawa nang bagong recipe?" Si tiya Sela na agad napatingin sa akin.

"Sino pa ba? E sa tinapay princess natin, si Anita!"

Natawa ako. Naku naman. Mukhang di ako makakapagaral nito. Paniguradong magiisip na naman ako ng bagong recipe para sa hotcake. Pero imbis na mabahala ay napaexcite na lamang ako!

Bahala na!