Chapter 19- Part of the revenge

Habang naglalakad papasok sa main entrance ng building. Walang pakialam si Luna sa mga nakakasabayan n'ya. Pagkatapos niyang itapat ang kanyang ID sa Automated Gate Pass System ng company, dali-dali s'yang tumakbo upang makahabol sa elevator.

Sakay ng elevator pataas, nagtataka s'ya sa biglang pagtahimik ng mga kasamahan. Ang isa sumulyap sa gawi n'ya habang sinisiko ang isa. Hindi niya ito pinansin.

"Lumalabas na ang tunay na kulay." bulong ng isa na naka-bangs.

"Haler! Mukha n'ya papatulan ni Sir Adrian?" sagot naman ng isa.

Hindi n'ya lang ito pinansin, dahil hindi s'ya sure kung sino ang tinutukoy ng mga ito. Mayamaya nagsilabasan na ang mga ito, hanggang sa s'ya nalang ang naiwan sa loob ng elevator.

Pagdating niya sa taas, nang masilayan siya ni Josie ay agad s'ya nitong nilapitan kahit hindi pa sila nakakaupo sa kanilang upuan.

"May problema ba Josie?" nagtatakang tanong n'ya.

Tinitigan s'ya ni Josie. "Hindi ka ba nag-open ng social media account mo? Trending ka kasama si