Chapter 43

PATAKBO akong lumabas ng bahay dala ang shoulder bag ni Mama. Ngayong gabi ay ang anniversary ng clothing company nila tita Janette at dahil sa pagmamadali upang tumulong sa event ay muntik nang makalimutan ang kanyang bag. Mabuti na lang talaga at naalala niya bago pa sila tuluyang umalis.

Nauna na sila Tita roon sa venue at pasunod na sina Mama at Papa. Habang kami ni Caleb ay mamaya na kapag nagsimula na ang party.

Gusto nga naming tumulong pero pinigilan kami ni Tita at marami naman daw silang h-in-ired na crew na mag-a-assist sa mga bisitang dadalo.

Pero dahil ayaw naming magpa-espesiyal at pa-importante ay aagahan namin ang pagpunta roon.

Pagbalik ko sa bahay ay kinuha ko lang ang cellphone at extra money saka pumunta sa kabilang bahay. Doon na ako magpapalit ng susuoing suit tutal at manghihiram lang naman ako kay Caleb.

Wala kasi akong suit na pang-special occasion tulad ng pupuntahan naming party kaya makikihiram muna dahil marami namang s